حاولت كتير اني اتخلص من صفات كتير وحشه فيا واحاول ابقي زي الملايكه
واتعامل بزوق وحنيه ورومانسيه ودبلوماسيه مع كل الي حواليا
وقررت اتخلص من (التكشيره)و(والنميمه)و (الكدب ) دا اهم حاجه
المهم في بدايه اليوم حاولت اسمع الي حواليا وخصوصا واحده من مجتمعنا برضو من
غير مااتكلم
وحاولت احافظ علي اني ماتكلمشي نهاااااائي
وبدءت الكلام
اوعي((يابت)) تخيبي خيبه امك مع المنيل ابوكي
من اولها كده؟
حطي يابت النقط علي الحروف
اه ياختي الرجاله دول صنف ملعون اسالي امك....
اول حاجه يابت تعمليها تخلصي المحروس جوزك من حضن المحروسه امه
ماتدلوش فرصه يشوفها كتير كده دي
اول حاجه بقي
تخشي عليه بالحنجل والمنجل وبالسهتنه
الي انتي واخدها عني وتشوفي هو بيحب ايه قوي وماتدهلوش الا لما تلاقيه نخ
وبقي عجينه طريه في ايدك
بصي يابت الرجاله زي العيال كل اما تحررميه يدلدل ويمشي وراكي
تديله يتنمرد عليكي
اسمعي كلامي يابت ماهو انا خيبت عشان مالقتش حد ينصحني
امي منها لله لو كانت فطمتني علي الفوله وحياة شرف خالتك كنت نيمته يغني ظلموه من
ليله الدخله
لحد اما اطلعه معاش مبكر
المهم يابت حطي في دماغك ان موضوع الجواز مش هئ ومق وفسحه وخروجه
لاء يابت ده عاوزه (تكتيك ) تكتيك ايه ياوليه ياخرفانه انتي
بحاوول اهو امشي علي التجربه بس مش نافع
المهم نرجع للست دي ونشوف اخرتها ايه
افهمي يابت خدي جوزك علي انه زبون وانتي المطعم
لازم تلاعبيه علشان تطلعي منه كل الي انتي عاوزاه
ركزي في الحته دي قوي
اما اقوم الحق المغرب قبل مايفوتني
تفكر|تفتكري هتفضلي محتفظه بصمتك؟
ولو اتكلمتي هتقولي اي؟
طب هترد
\هتردي بايه؟
طب هتعالجي|هتعالج الموضوع ازاي؟ هتقتل الست دي ولا ايه...؟
طب انتي|انت لو مامتك او مامته كده هتعملي ايه؟
تفتكر التجربه سقطت ازاي من وجهة نظرك
منقول