موضوع يمكن يزعلكم مني؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]
ازيكم يا احلى اعضاء
النهارده انا عايزه اتكلم في موضوع لاحظته من فتره بس خايفه تفهمونى غلط فيه بس هحاول اوصللكم وجهه نظري
في الفتره الاخيره من خلال تعاملي مع مختلف فئات الناس لاحظت ان الناس اللي من الطبقه الفقيره شويه طبعا اللي هيه اغلب الشعب المصري بيبقوا في التعامل مع الناس بطريقه غير لائقه بالمره
الفاظ غريبه وهزار بالشتايم والمصطلحات المتدنيه وافكار ومعتقدات كتير غلط في غلط وناس كتير منهم ومتعلمين ومش بيبان عليهم ولا كانهم تعلموا اي حاجه ومتلاقيش معاهم اي راحه في التعامل
نيجي بقى للطبقه الغنيه اللي يعتبروا اقليه
تلاقيهم شايفين نفسهم وبيكلموك بقرف ومش عاجبهم حد وكان مفيش زييهم في الدنيا رغم ان فيهم كل العبر والعيوب غرور وانانيه وغيره وغيره
طبعا انا مش بتكلم عن كل الطبقه الغنيه ولا كل الطبقه الفقيره لا اكيد فيه وفيه مش كله وحش ولا كله حلو
اللي لاحظته بقى ان الطبقه المتوسطه هيه احسن طبقا
بجد يا جماعه ده من خلال تعاملى مع ناس كتير تلاقيهم ناس سويين كده ومش معقدين واغلبهم ناس متدينين وعارفين ربنا وطريقه التفكير والكلام برده بتبقى احسن من غيرهم
انا سمعت دراسات كتير بتاكد كلامي ده ان اصحاب الطبقه المتوسطه هما اكتر ناس سويين وخاليين من العقد اللي بنشوفها في الطبقه الغنيه او الطبقه الفقيره وكمان بيكونوا اسعد منهم
عايزه اعرف رايكم في الموضوع ده وهل كلامي ده صح وللا غلط
كل واحد يقول وجهه نظره في الموضوع حسب خبراته وتعاملاته مع الناس

الموضوع جامد جدا يامنون ومش يزعل حد
بالعكس ده موضوع يستحق النقاش ومهم جدا
بصي ياستي اولا طبقات المجتمع دلوقت بقت تنقسم لاقسام كتير
مش تقتصر فقط على فقير ومتوسط وغني
مثلا فيه طبقة فقيره جدا وفقيره ومتوسطه وفوق متوسطه وغنيه وغنيه جدا
بقوا من 3 طبقات ل6 طبقات
وفيه فعلا في الطبقه الفقيره او الفقيره جدا صفات من اللي انتي قولتيها ونفس الكلام للطبقات التانيه
والعكس برضه
ممكن تلاقي شاب او بنت من الطبقه الغنيه والفاظهم مش كويسه خالص
وممكن تلاقي شاب او بنت من الطبقه الفقيره وقمه في الاحترام وكويسين جدا
اهم حاجه شخصية الانسان واحترامه لنفسه ولغيره
مش مهم اي حاجه تانيه ان كان فقير او غني
اهم حاجه تكون سمعته كويسه ويكون محبوب بين الناس
واكتر ناس بتبقي متزنه وشخصيتها محترمه جدا بتبقي من الطبقه المتوسطه وفوق المتوسطه
تسلم ايدك يامنون توبيك روووووعه بجد
تقبلي مروري

كلامك تمام يارنوووووون
ميرسي ع رأيك ياقمري ومنوراني