DelTa's OffiCiaL Youth WeBSiTe
 :بسم الله الرحمن ال


مرحبا بك عزيزي الزائر فـــ منتدى شباب الدلتا المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه lol!






 
الرئيسيةبوابه2*س .و .جبحـثالأعضاءدخولالتسجيل
ملحوظة هامه : بعد تسجيلك فى منتدى ( شباب الدلتا ) ولم تفعل اشتراكك عن طريق ايميلك الذى سجلت به .. فسوف نفعل اشتراكك تلقائياً فى اليوم الذى تم تسجيلك فيه .... ادارة الموقع

شاطر | 
 

 تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||

اذهب الى الأسفل 
كاتب الموضوعرسالة
Matrax Diab
مشرف على رابطه عشاق الهضبه عمرو دياب
مشرف على رابطه عشاق الهضبه عمرو دياب
avatar

ذكر
عدد الرسائل : 1833
العمر : 28
هوايتك : الغناء
مزاجك أيه :
عدد النــقاط : 419

مُساهمةموضوع: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   الخميس يوليو 30, 2009 12:16 pm

سلام عليكم ورحمة الله وبركاته
بسم الله الرحمن الرحيم
ــــــــــــــــــــــــــــــــــــــــــــــــــ ــــــــ
عارفين طبول الحرب اللى بتدق قبل الحرب ما تبدأ ؟
عمرو دياب نزل اغنية .. أشبه بالحرب ... معمعة .... جيييييييش من الميوزيك
آلات جديدة ونوع ميوزيك مش متعودين نسمعه كتير
الاغنية هيا ( حلوة الايام ) .... بصوا يا شباب

اسمعوها .... ولاحظوا الآتى واتمنى تبقوا مشغلينها دلوقتى .. لاحظوا كدة الاتى :
أولا وقبل أى حاجة الميوزيك دى كلها اسمها COUNTRY MUSIC
النوع دة مش بيتعمل عندنا فى مصر كتير بل يكاد يكون منعدم

من اول الاغنية لحد الثانية 16 ... جيتار كهربائى بيتلعب وكإن يعتبر طبول الحرب اللى هتدخل بعدها
الـ 16 ثانية دول منقسمين لجزأين
من 1 : 10 جيتار كهربى اللى بيستعمل فى الاغانى الميتال والديفل. مفيش حاجة بتشتغل معاه .
من 10 : 16 دخل عليها صوتين تانيين استعدادا للى هيدخل .
من اول الثانية 17 بقى يا معلم حاول تلاحظ جيش الميوزيك اللى دخل هجووووم عشان يقدم صوت الكينج الهضبة .. الصوت اللى من الصعب نشوف زيه فى الوقت دة . بيغنى وهو رافع راسه وبيبص للسما .... صوت يخلى المهموم ينصت ليه ويستمع ليه ... يخلى الواحد يخرج من موده الكئيب ... الاغنية فيها توزيع مش ممكن مش ممكن . الميوزيك اللى دخلت دى ميوزيك صاخبة تخلى الواحد ينبهر جدا .. انا سمعتها اول مرة كنت مهيبر بطريقة غريبة ... كنت هتجنن وحمدت ربنا انى كنت لوحدى فى الاوضة كنت هضحك الناس عليا .

الدقيقة 3.06 بتبدأ ميوزيك اسمه سامبا سلو SAMBA SLOW ودى لما تسمعها وانت مغمض عينيك على طول هتسافر شواطيء البرازيل .
وهيا دى الميوزيك الصيفى اللى عمرو الوحيد فى العالم بينفرد انه بيعرف يصنعها .

عاوز اتكلم كتير بس هسيبلكوا المايك تتكلموا انتوا وصباح الفل .

نيجى بقى للكلمات الغريبة اللى عمرى ماشوفت تقسيمة زيها .... عمرو دياب عمل تقسيمة اول مرة تتعمل فى مصر من اول عبد الحمولى وام كلثوم لحد دلوقتى متعملتش . لاحظوا معايا التقسيمة دى

دى الكلمات مبدأيا
اوعدني هتفضل طول العمر في دنيايا
ديه حياتي عايشها في جنه طول ما انت معايا
ايام حلوه الايام يا حبيبي معاك ولا في الاحلام

من اول مره قبلتك وعرفتك فيها
ولقيت الدنيا الحلوه الي انا بحلم بيها
ايام حلوه الايام يا حبيبي معاك ولا في الاحلام

ايام بتفوت يا حبيبي وبتعدي علينا
وكاني بعيش انا وانت في دنيا لوحدينا
ايام حلوه الايام يا حبيبي معاك ولا في الاحلام


الأغنية مفيهاش مذهب

الاغنية عبارة عن الاتى ( كوبليهات + سينيو )
كوبليه
سينيو

كوبليه
سينيو

كوبليه
سينيو

وشوفوا الاغنية طالعة ازاى

صوت = 100 % جامد ، نقى ، مفيهوش غلطة ولا بحة كدابة ، مبهج وحنجرة قوية .

كلمات = واحد بيحب واحدة هيقولها اية تانى زيادة عن اللى فى الاغنية .؟ ... منكرش انه كلام بسيط بس هو دة عمرو ودة الكلام اللى وصل بيه للعالمية .. كلام مفيهوش تعقيد ولا حوارات ... كلام صريح وجايب م الاخر يا جدعان .... كلام مفيهوش قلة أدب ولا حاجة الواحد يخجل منها .... كلام سهل فى معناه صعب فى غناه .

اد اية انت عظيم يا عمرو يا دياب

---------------------------------------
اغنية
لازم تكون محضر نفسك قبل ما تسمعها وتكون محضر مناديل عشان هتعيط ... دة صحيح
صوت باحساس = مليوووون فى المية
كلمات = 100 %
لحن = 100 %
توزيع = 90 %
اى اغنية تحتاج اية تانى اكتر من كدة ؟
الاغنية دى هيا ( وحياتى خليكى )
انا بعتبرها من أقوى الاغانى اللى غناها عمرو دياب من عام 1988 لحد 2009 .
كلماتها كالعادة ... بسيطة عشان كدة تتصدق بسرعة ... تأليف : عبد المنعم طه . الراجل دة جندى مجهول يا جماعة ... ياما عمل أغانى لعمرو مش بيتذكر اسمه كتير مع انه فظيع فى كلامه وفى احساسه .
الالحان : تلحين واحد من فرقة عمرو دياب .... راجل انا معرفش بيحب الجيتار اوى كدة لية ؟ .. ومعرفش هو بيحب التلحين اوى ازاى كدة ... الراجل دة هو ( عمرو طنطاوى ) .
عمرو طنطاوى دة اللى ملحن ( وحشتينى ) الملحلمة بتاعت عمرو دياب ... هو اللى ادى لعمرو دياب لحن اغنية ( ويلومونى ) وخلى مجدى النجار يكتبله عليها كلمات ودة نادر اما ينجح .
الاغنية ( وحياتى خليكى ) فظيعة .... اه والله

مهى الاغنية اللى تخليك تعيط وتسرح ... تبقى اكيد نجحت فى اداء رسالتها ووصلت لأذن الناس بسرعة وبأقصر الطرف .
نفس الفكرة بتاعت اغنية عمرو اللى اسمها ( قبل الوداع ) بس دى متطورة اكتر
عمرو دياب بيقول لحبيبته ( وحياتى خليكى ) مستعين ببعض الكلام اللى يخلى اى قلب جافى انه يلين ويرق .

حياتك غالية عليا يا هضبة

حياتك غالية عليه وعليها وعلى كل العالم كمان
--------------------------------
واحد مرتبط بواحدة ... وسابوا بعض وعشان ميخسرهاش اتفقوا انهم يبقوا اصحاب
والاتنين معرفوش انهم هيتعذبوا بسبب قرارهم دة
هو قبل غصب عنه وهيا قبل غصب عنها ومحسوش بالعذاب اللى هيحصلهم غير لما شافوه
لما هو بيشوفها مع حد تانى بيغير عليها ... وهيا بتطول فى كلامها مع الحد التانى لما تلاحظ ان حبيبها شايفهم
لكن هيغيروا على بعض ازاى ؟ ..... مهو مفيش غيرة وعتاب بين الصحاب
( آآآه م الفراق )
مسلسل ... فيلم ... قصة .. رواية
سميها زى ما تسميها انا شخصيا مسميها اغنية ( اه م الفراق )
كلمات العبقرى : بهاء الدين محمد ... تلحين الملحن : عمرو دياب
شوفوا كلماتها معايا


اه من الفراق
الي يتفقو الحبايب فيه يبقو صحاب
اه من الفراق
اللي بنشوف الحبايب ده اصعب عذاب

وفقتو غصب عني ، ووافقني غصب عنو
مبنش ضعف منى ، ومبنش ضعف منو
ومشينا كل واحد ورابط الاتفاق
وبان حزنو كله وضعفو لما فاق

وياعيني علي اللي كان بيحب التاني اكتر
بيهرب من المكان وبيبقي عذابو اكبر
ويعيني علي اللؤا من غير غيرة عتاب
ده مفيش بين الصحاب غيرة وعتاب


دلوقتي لقانا هادي قال يعني شوقنا غايب
ويبان كلامنا عادي ... مع انه كلام حبايب
وان شوفتو وياه غيري يطول في السلام
وشفني شايفو يعند ، ويطول في الكلام

وياعيني علي اللي كان بيحب التاني اكتر
بيهرب من المكان وبيبقي عذابو اكبر
ويعيني علي اللؤا من غير غيرة عتاب
ده مفيش بين الصحاب غيرة وعتاب


يمكن الكلام دة ميحسهوش غير المؤلفين او موهوبين التألأيف بالاخص
ممكن لو عملت التوبيك دة برة القسم دة ... محدش هيفهم معنى الكلام دة

أوزان اية دى ؟ .... مش ممكن فظيعة
قوافى اية دى ؟ ..... نهاره ازرق بهاء الدين محمد بجد
الفاظ جديدة ... فكرة جديدة متعملتش بالحرفية دى
إفيهات استحالة
احساس ..... اتقان
اغنية معمولة بالقلم والمسطرة
مش هقول كل اللى عندى عشان بقية اللى عاوز اقوله انت اللى هتقولوه

التوبيك مفتوح يا شباب
عاوز تفاعل يليق بالهضبة
يليق بالصرح العظيم ( موهوبين التأليف )

----------------------------------
انا بحبك اد كل الدنيا دى
وللا اد الشمس والليل والهوا ؟
والنهاردة قدرت اعرف أد ايه
انا بحبك أد كل دول سوا


يهمك فـ إيه ؟ عجز الكلام عن تحليله بجد تحفه فنيه
ــــــــــــــــــــــــــــــــــــ
انا بقدم قلبى
+
الا حبيبى
+
وياه
+
طمِّنى
+
الله على حبك انتا
+
حلوه الايام
+
يهمك فى ايه
+
اه من الفراق
+
وحياتى خليكى
+
عينى وانا شيفه
+
مالك

=


ـ مبيعات فى خمس ايام 3 مليون و217 ألف نسخة ده اللى اتقال انما فى كلام تانى عرفو من يومين
ان هما9 مليون وكسور؟؟؟


ـ ميوزيك اوورد واعتقد عمرو هيرفضها المرادى عشان زهق منها

ـ سكتة قلبية لـ 4 مطربين ومصرع 2 مطربين
ـ إشهار إفلاس 3 شركات إنتاج

ـ اعتزال مطربتين و4 مطربين
ـ زيادة محبين عمرو دياب من 19 مليار إلى 250 مليار

ـ إنعاش سوق الكاسيت فى العالم

TOOAS




[ندعوك للتسجيل في المنتدى أو التعريف بنفسك لمعاينة هذه الصورة]

يا بتـــاع الشبــاشب عــايز شبشب بصباع .. او شبشب بفيونكا بدل الحبيب اللى ضاع
واهو كلب وراح يا هواا .. واهو بكره يجى .....
اخاف عليه واحس بيه .. يا بتاع الشباشب خلصنى وهات شبشب بصباع

Toosa Diab
الرجوع الى أعلى الصفحة اذهب الى الأسفل
http://www.amrdiabcafe.com
Koka
. دلــتــاوى بقى برونزى .
. دلــتــاوى بقى برونزى .
avatar

انثى
عدد الرسائل : 2463
العمر : 27
هوايتك : Volly ball
مزاجك أيه :
عدد النــقاط : 2396

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   الجمعة يوليو 31, 2009 10:50 am

يسلموووووووووووووووووووووو
بجد تسلم ايدك يا احمد
وربنا هاين عليا اعيط وان بقرأ كلامك
اسطوووووووووووووووووره يا ناس اسطوره وربنا
الرجوع الى أعلى الصفحة اذهب الى الأسفل
Matrax Diab
مشرف على رابطه عشاق الهضبه عمرو دياب
مشرف على رابطه عشاق الهضبه عمرو دياب
avatar

ذكر
عدد الرسائل : 1833
العمر : 28
هوايتك : الغناء
مزاجك أيه :
عدد النــقاط : 419

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   السبت أغسطس 08, 2009 11:03 am

ميرسى على المتابعه

ديابيه جميله

Exclamation




[ندعوك للتسجيل في المنتدى أو التعريف بنفسك لمعاينة هذه الصورة]

يا بتـــاع الشبــاشب عــايز شبشب بصباع .. او شبشب بفيونكا بدل الحبيب اللى ضاع
واهو كلب وراح يا هواا .. واهو بكره يجى .....
اخاف عليه واحس بيه .. يا بتاع الشباشب خلصنى وهات شبشب بصباع

Toosa Diab
الرجوع الى أعلى الصفحة اذهب الى الأسفل
http://www.amrdiabcafe.com
Mesho Misho
. دلــتــاوى بقى برونزى .
. دلــتــاوى بقى برونزى .
avatar

ذكر
عدد الرسائل : 377
العمر : 25
هوايتك : مشاهدة مباريات كرة اليد
مزاجك أيه :
عدد النــقاط : 382

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   السبت أغسطس 08, 2009 3:29 pm

::3:::: ::3:::: ::3:::: ::3::::








فليصمت المشككون .. ولتخرس الالسنة
عمرو دياب فوق الجميع
الرجوع الى أعلى الصفحة اذهب الى الأسفل
http://www.amrdiabstreet.com
Mŕ.ĂhмεdøOø
المشرف العام ومشرف قسم نجم الجيل تامر حسنى
المشرف العام ومشرف قسم نجم الجيل تامر حسنى
avatar

ذكر
عدد الرسائل : 5724
العمر : 27
هوايتك : Singer Composer Lyricist Guitarist Watching Star Academy... My Dream I.S.A
مزاجك أيه :
عدد النــقاط : 6728

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   الإثنين سبتمبر 14, 2009 7:21 am

::3::::
وااااااااااااو بجد
روعه والله




[ندعوك للتسجيل في المنتدى أو التعريف بنفسك لمعاينة هذه الصورة]

انا زعلتكے فے حاجهے .. طبے ايے يا حبيبيے هيے
بتداريے عينكے ليهے .. لما بتيجيے فے عينيا
وحكايتكے بسے ايهے .. فيكے حاجهے مشے عاديهے
قوليے يا حبيبيے حاجهے .. ماتصعبهاشے عليا

ঔღঔ

انا مصممے
مشے ماشيے قبلے ما تتكلمے
ماقدرشے اسيبكے تتالمے
ساكتے يا حبيبيے ليهے
الرجوع الى أعلى الصفحة اذهب الى الأسفل
http://www.tamerlovers.com
7oksha
. دلــتــاوى بقى فعـــــــــــال .
. دلــتــاوى بقى فعـــــــــــال .
avatar

ذكر
عدد الرسائل : 173
العمر : 24
هوايتك : ??????
مزاجك أيه :
عدد النــقاط : 175

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   الإثنين سبتمبر 14, 2009 12:47 pm

::3:::: بجد الالبوم كله مش فيه غلطه ::3::::
::3:::: ::3:::: ::3:::: ::3::::
::3:::: ::3::::
::3:::: ::3:::: ::3:::: ::3::::
الرجوع الى أعلى الصفحة اذهب الى الأسفل
islam
. دلــتــاوى بقى فعـــــــــــال .
. دلــتــاوى بقى فعـــــــــــال .
avatar

ذكر
عدد الرسائل : 185
العمر : 29
هوايتك : كره القدم
عدد النــقاط : 24

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   الجمعة سبتمبر 25, 2009 7:22 pm

كلام جميل اوى وعمرو دياب ديمنا جديد شكرااا


احمد
الرجوع الى أعلى الصفحة اذهب الى الأسفل
CaSaNoVa
. دلــتــاوى بقى برونزى .
. دلــتــاوى بقى برونزى .
avatar

ذكر
عدد الرسائل : 508
العمر : 28
هوايتك : الزمالك.البلياردو
مزاجك أيه :
عدد النــقاط : 649

مُساهمةموضوع: رد: تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||   الثلاثاء سبتمبر 29, 2009 10:49 am

'::3::::'


queen
الرجوع الى أعلى الصفحة اذهب الى الأسفل
 
تحليل ونقد ملاحم ألبوم (وياه) لعمرو دياب || حلوة الايام /وحياتى خليكى/ آه م الفراق||
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
DelTa's OffiCiaL Youth WeBSiTe :: منتديات الأغاني والكليبات :: منتدى روابط عشّـاق المطربيـن :: رابطة عشاق الهضبه عمرو دياب Amr Diab lovers plateau-
انتقل الى: