الشياكه زوق مش بنطلون لتحت ولا قميص لفوق

الشياكة ذوق ... مش بنطلون لتحت ولا قميص لفوق

[ندعوك للتسجيل في المنتدى أو التعريف بنفسك لمعاينة هذه الصورة]

لابس بوكسر وفرحان بيه ذنبي إيه أنا اتفرج عليه ,
لو مش عاجبك بنطلونك يا بيه البس جلبيه أو لف قماشة عليه ,
ارفع بنطلونك لو سمحت ... ارفع ده أنا شفت اللى تحت ,

حقيقى ملقتش أفضل من دا أبداً بيه المقال لأنه شرح الموضوع كله فى تلات سطور ,
قبل ما أبدأ أكتب فى الموضوع كنت بدور على صور علشان تكون داعمة لكلامى اللى بحضره ,
المفاجأة إنى لقيت حكاية عن موضه تسقيط البنطلون وبجد لما هقولهالكم ,
هتعرفوا أد إيه الوضع صعب للى بيسقطوا البنطلون وبيقلدوا الغرب ومش عارفين حاجة ,

موضه تسقيط البنطلون والتقليد الأعمى للغرب والمناظر البشعة اللى بنشوفها نتيجة لدا ,

[ندعوك للتسجيل في المنتدى أو التعريف بنفسك لمعاينة هذه الصورة]

فى البداية أنا زيى زى أى حد مفكر إنها مجرد موضه موجودة برا ,
لأنى كنت بشوفها فى الأفلام الأجنبى خصوصاً لأصحاب البشرة السمراء فى أمريكا ,
ودلوقتى هقولكم على قصتين قدرت أوصلهم واحكموا على القصتين بنفسكم ,
وصدقونى أى واحد بيسقط البنطلون لو الكلام أثر فيه هيكره اليوم اللى فكر يسقط فيه البنطلون ,

::: القصة الأولى :::

إن فى امريكا كانوا المساجين هما اللى بيسقطوا البنطلون وده لأن الحزام ممنوع تواجده فى السجن ,
عشان أعمال الشغب والعراك فطبعا البنطلون بيكون ساقط غصب عنه لكن لما كانوا بيخرجوا من السجن ,
كانوا بيفضلوا مستمرين فى الحكاية ومن هنا انتشرت موضة تسقيط البنطلون ,

::: القصة الثانية :::

[ندعوك للتسجيل في المنتدى أو التعريف بنفسك لمعاينة هذه الصورة]

والصورة دى هتكون أكبر معبر عن القصة التانية والأخطر واللى هقولكم عليها دلوقتى ,

نيجى للقصة ... طبعاً كلنا عارفين إن نسبة الشذوذ فى أمريكا نسبة عالية جدا جدا ,
فى أمريكا تسقيط البنطلون عند الولد يعنى إنه شاذ جنسياً ودا علشان يجذب إليه ولد آخر شاذ جنسياً ,
والموضوع دا مش للولاد بس لأ للبنات كمان واللى أسوأ من كدا ليه بيظهروا الملابس الداخلية ,
الملابس الداخلية بالنسبة للشخص الشاذ بتكون على أساس اللى على علاقة بيه بيحب لون إيه ,
بصراحة مش عارف اقولها إزاى بس هوا بيلبسله بوكسر أحمر مثلاً لو هوا بيحب اللون الأحمر وهكذا ,
والالوان الفاقعة بتكون علشان يجذب ليه الناس الشاذة جنسياً زيه ,
يعنى موضوع تسقيط البنطلون وإن البوكسر يبان دا علشان يكون فى تفرقة بين العاديين والشاذين جنسياً ,

الموضوع كان هيبقى مختلف عن كدا لأن كلامى كان هيكون مجرد كلام إحتمال يأثر وإحتمال لأ ,
لكن أنتوا احكموا على اللى ميتأثرش بالكلام والقصص دى خصوصاً إنها أقرب للحقيقة بنسبة عالية جداااا ,

ياريت الوضع المقزز دا يتغير ونرجع لبيئتنا وأصلنا لأن صعب نشوف الواقع المؤلم والمزرى دا ونقف ساكتين ,
وأكيد إنتوا حاسين باللى بتكلم عليه وأنا حاولت أجمعلكم أكبر قدر عن الموضوع ,
وآخر حاجة هقولها للى بيسقطوا البنات إن مصمم الموضة دى كان إيطالى وشاذ جنسياً ,

ياريت قبل ما نطبق أى حاجة ونقلد تقليد أعمى نفهم اللى بنعمله ,
وفى النهاية زى ما بدأت موضوعى الشياكة قبل أى حاجة ذوق ,
والذوق إنك تكون فى أحسن صورة تقدر تكون عليها ,
لكن تكون بالشكل دا أحكم إنتا على نفسك بعينك وبعين الناس ,

أتمنى أكون قدمتلكم موضوع ثرى بمعلومات أنا زيكم لأول مرة أعرفها وجت بالصدفة ,
وأتمنى الصدفة اللى حصلت دى تأثر بشكل إيجابى فى تفكير اللى بيسقطوا البنطلون

لا تمام تمام تمام
نايس يا حبى

بجد الموضة دي حاجة بشعة قوي ومالهاش اي لازمة ف الدنيا ومجرد تقليد اعمي ف الفاضي وان دل ع شيء دل ع اننا مش بنفكر منساقين ورا الغرب وخلاص
لو وقفنا مع نفسنا لحظة واحدة هنكتشف ان ربنا محرمش حاجة الا وفيها حكمة يعني الموضة بدعة وربنا حرم البدع
واديك قلت اهو اصلا الموضة دي ف الغرب ايه يعني بجد حاجة مقززة
انا بشكرك قوي ع التوبيك ونورت المنتدي

ميرسي قوووووووي ياجماعه علي مروركم
وده نورك يانونا

اولا مش هقول غير اللهم احفظنا وحسبى الله ونعم الوكيل

وفعلا انا بمثل معظم شبابنا انه سورى يعنى عامل زى العربية الكارو مكان ماالحمار هيمشى شبابنا هيمشى وراه
حتى لو وصلت انه يمشى عريان زيه هيقولك ياعم قضيها وفكك دى موضه يامعلم

حسبى الله ونعم الوكيل

اللهم احفظ شبابنا اللهم احفظ اهلنا اللهم احفظ بلدنا

tongue

على التوبيك الجامد ده يامان ونورت المنتدى

فعلا بفت حاجه فظيعه .. استغفر الله العظيم ..
روووووووعه .. تسلم ايدك ..
اتمنى لك المزيد ,,,,,,,,,,, Zahra