الفرانكو-آراب بتحب تكتب بيها .................

الفرانكو-آراب

salam 3licom wa rahma allah
hatkalem enharda 3an mawdo3 benarvzny
wa how alzahera beta3et alfranko arab!!

انا بجد نفسى اعرف تفسير لاستخدام الحروف الانجليزى فى الكلام باللغه العربيه
طبعا مش بتكلم عن الناس اللى جهازهم مش بيكتب عربى ومضطرين لاستخدام الحروف الانجليزى
انما اللى بينرفزنى الناس اللى عندها عربى وبرضو بتتكلم كده!
ولما اطلب انها تكتب بحروف عربى لسهولة القراءه يكون الرد
asli met3aweda akteb english
!!
طب اتعودت ازاى؟
اكيد متولدتش بتكتب انجليزي بسرعه!

هل هو نوع من الفزلكه؟
ولا نوع من الكسوف من الحروف العربى؟؟
ولا ايه بالظبط
روشنه يعنى؟
بجد عايز اعرف تفسير الظاهره دي

عمرى ما شوفت واحد انجليزي بيكتب بحروف عربى ولا هندى ولا صيني
كل لغه ليها حروفها
هتتكلم عربى يبقى حروف عربى
هتتكلم انجليزي يبقى حروف انجليزي
لكن متعملش لغه ولا هى عربى ولا هي انجليزي!!!

!!

طيب انا بعد ده كله برضه لسه بسال ليه

زي ما الواحد بقى سريع في الكتابه بالإنجليزي

يقدر بردو مع الوقت يكتب عربي سريع

كل حاجة بتيجي بالصبر

وأنا شايفة كل لما الحاجة بتكون غالية، بتكون أصعب

عشان كدة اللغة العربية أغلى من الإنجليزي

و طبعآ مفيش مانع في انك تتعلم وتتقن الإنجليزي

بس الفرانكو أراب هي انك تستبدل الأحرف العربية بأحرف لاتينية عشان تتكلم بكلام عربي نفهمه

لكن ايه الي هيحصل لو بقينا بنكتب بالطريقه دي
أكيد هيتخرج جيل بأكمله مبيكتبش الا باللغه دي

عشان كدا لازم اننا نحافظ على لغتنا ومنستهنش بيها

بيكفينا انها لغة القرآن الكريم