موضوع: لرومانسيينـے فقط ♥ موضوع تدبيس ♥ وثانى عضوه معانا ( الحــــــــــــــــياه )

•اسمك,العمر ؟
اسمى مى

وسنى 19 سنه كمان 4 شهور هيبقى عندى 20سنه ان شاء الله



•ما هو الحب في رأيك ؟
الحب مش مجرد كلمه بتتقال ده شعور واحساس كلمه بتطلع صادقه من قلب طاهر
بتطلع من جوا بتاخد الروح معاها لما بنحب طعم الدنيا وشكلها بيتغير فى عيونا
الحب مسئوليه وصدق وثقه واحترام واخلاص واحلى ما فى الحب تضحيه
من الحبيب بكل لحظه فى عمره بكل نفس بيطلع من جواه
هو ده الحب فى عيونى انا



•هل انت متزوجــه ام " عزوبيـے ? عزباء " ؟
تؤؤؤؤؤ مش متجوزة طبعا



•هل تؤيد الزواج عن طريق العادات والتقاليد ? ام تختار شريكـ?ـة حياتك بنفسك? ؟!
بصى العادات والتقاليد فى الحدود بتكون جميله قووووووى
بس مش تتحكم فى قرار مصيرى زى ده لازم يكون فى تفاهم وثقه بين الاتنين
وانا محبش اكون مجرد سلعه بيشوفها العريس لاول مرة ويا اعجب يا مش اعجب
لازم يخترنى واختاره
قبل ما يدخل البيت وااكون وفرت عليه وعا نفسى احراج كبير
لان صعب قوى دخول البيوت وانك تجرح حد بجد صعبه وانا يستحيل هقبل بيها
كمان مش هسمح ادخل انسان بيتى ويترفض واقلل من كرامته فى لحظه لان زى ما هيتعمل فيه مش هحب انه يحصل للاخويا
ده رايى واللى مقتنعه بيه جدااااااااااا



•ماهي مواصفات فارسـ?ـهـ الاحلام بالنسبهـ لك? ؟

معنديش اى مواصفات والله العظيم اولا الجمال الراجل لما بيكون جميل قووووى
مش بتبقى حاجه كويسه يعنى لانه بيسبب مشاكل كتير فيماا بعدين غيرة بطريقه الجنون
وبعدين لو اخدته عا جماله ولا قدر الله حصل حاجه شوهت الجمال ده يا ترى هسيبه ولا هستحمله ولا هبيعه يبقى خدعته ومش حبيته ولا صونته من الاول

المال بيقولوا خدوهم فقرا يغنيكم ربنا
واهم حاجه ربنا يكون ساترها معانا لا بالغنى ولا بالفقر الحياة بتمشى
ومش المال اللى هيتحكم فى العواطف

انا اهم عندى من كل ده انه بختصار يكون بيحبنى وهيراعى ربنا فيا
وهيصونى زى ما هقسم بالله انى هصونه واحفظ غبته واحميه واخاف عليه بعمرى
ومش هبخل عليه باى لحظه فى عمرى وحياتى




•برأيك هل يوثر فارق العمر بين الطرفين على العلاقهـ ? ؟
تؤ مش بياثر المهم يكون فى حب متبادل وبجد بجد
من غير كدب ولا خيانه وخداع وصراحه من اول يوم ليهم مع بعض
وبعدها كل حاجه بتهون



•هل يختلف معنى الحب عبر العصور? ؟!
لالالالالالالالالالا عمر الحب ما كان ليه اختلاف فى كل زمن والا مش هيكون حب حقيقى الحب اللى بجد بيعيش وبيقوى اكتر واكتر بالظروف
ويستحيل حاجه تكسره لا زمن ولا حتى مشاكل


•حدثنا عن الجانب العاطفيـے فيـے حياتك باختصار ? ؟!
امممممممممممممممم
حياتى انا انسانه رومانسيه قوى حساسه كتير بفهم المعنى الرومانسى ورا كل حاجه بلاقى سعادتى وفرحتى فى عيون اللى بحبهم لما بشوف ضحكه عنيهم قبل ضحكه وشهم
حبيبى اديله عمرى وحياتى واموت فى التراب اللى بيمشى عليه واحفظ غبته واصونه
واخاف واقلق عليه لو هتوصل انى اموت نفسى عشانه كل ده ومش مستنيه منه
غير كلمه بحبك وربنا يخليكى ليا وانه يكون سعيد بوجودى جنبه




•ما هو رأيك في المقولة التيـے تقول" نظرة فابتسامة فموعد فلقاء" ? ؟!

تؤؤ مش بؤمن بيها بصراحه جايز عشان مش جربتها خالص الله اعلم

بس باى معنى كانت مدام فى حب يبقى اى شىء يهون



•ماهي مراحل الحب الحقيقي في رأيك ? ؟!
الحب الحقيقى ليه مرحلتين اتنين مش فى غيرهم عندى
اول مرحله هى التفاهم والشعور الجميل ما بين اتنين
وتانى مرحله هى شرع ربنا واعلان الخطوبه رسمى قدام الكل دى نهايه اى حب حقيقى وشريف



•هل وقعت في الحب ? ؟!
اها طبعا مفيش انسان مش بيحب
مع انى بصراحه عمرى فى حياتى ما جربت الحب غير من فترة قريبه
بس اكيد كنت بحب زمان ماااااااااااااااااااااااضى




•من هو توأم روحك وبلسم جروحك ? ؟!
انا بحب الناس قووى ومش عندى غير انى اشوف سعادتهم اه انا معاكى ان مش كل الناس كويسه
بس انا مش بعمل غير كدة وربنا عالم
مش يهمنى بقى مين يستحق ولا لا
فا تؤم روحى وبلسم جروحى اللى يحبنى ويقدرنى
واعتقد ان ليا صحاب كتير وانا بحبهم وافديهم بروحى
وليا انتيمات كتير قوووووووى
صدقينى مهما بيحصل منهم بفضل شرياهم برضه



•كيف وقعت في الحب " عن طريق مكالمة هاتفية,رسالة,ماسنجر,....الخ? ؟!
بصراحه مش فاكرة بالتحديد



•متى اخر مرت سمعت كلمة احبك? ومتى اخر مرة لفظت بها ? ؟!

هى بتتقالى كتير قوى والله بس اخر مرة قولتها بقولها للى بحبهم
مش شرط حبيب بس صحابى اهلى
بقولها برضه كتير
بس مش بقولها غير وقلبى حسسها قووووووووووى
ماذا تعنيـے لك كلمهـ احبك من فتاهـ ? وماذا تعني لكي كلمة احبك من رجل ? ؟!

البنت لما بتقولها بتبقى طالعه من قلبها بجد ومعناها حب عمرى والراجل اللى شارينى اللى يستاهل كل ما ليا

ولما الراجل يقولها يااااااااه ويكون صادق فيها فا معناها انك مراتى وحبيبتى وعمرى اللى مش هقدر من غيره اعيش




•هل تؤمن بالحب? عن طريق النت ? ؟!
بصراحه مش بقيت اؤمن بيه خالص
مع ان فى كتير وتجارب ناجحه كمان وقريبه منى
كل واحد بقى واحساسه وطريقته وربنا يوفق الكل يااااااااارب



•برأيك هل تستمر العلاقة من خلال النت لفترة طويلة ? ؟!
ساعات اه وساعات لا
حسب الحب هيكون بجد ولا تؤ



•برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ? ؟!
مش بالمدة صدقينى ساعات بنشوف ناس ونفضل طول عمرنا معاهم ومش نحس باى حاجه نحيتهم
وساعات تشوف حد فى دقيقه تحس بانك ملكت الدنيا بيه بجد
وانه يستحق حب العالم كله يبقى ليه وعشانه هو وبس



•برأيكـ ماهو اجمل مافي الحب? ؟!
الاخلاص والمشاعر الجميله بين الاتنين



•برأيك ماهو اسوأ ? اصعب مافي الحب ? ؟!
الشك والغيرة بجنون بجد صعبه قوى وانك تجرح الانسان اللى بتحبه



•بوجود الحب هل يشترط وجود السعادهـ ? ؟!
تؤ بصراحه مش شرط بس السعادة احنا اللى بنخلقها لنفسنا طالما فى حب
ومشاعر حلوة وتفاهم وثقه بين اى اتنين
اكيد هتتولد سعادة حقيقيه



•هل تؤمن بالحب من اول نظره? ؟!
امممممممممم
ساعات وساعات
بس حصلت مع اصحابى
وكان حب صادق والله ربنا يوفقهم ياااااارب ويكملهم بخير



•هل الغيرهـ ضروريهـ في الحب ? وما هو دورها هلو ايجابي ام سلبيـے ? ؟!
طبعاالغيرة مهمه جدا لانى انا بشوف ان الغيرة فى الحدود بتكون دليل عا الحب
وصدقونى اى اتنين بيحبوا بعض وبيغيروا عا بعض بيحسوا احساس جميل قووى
وكانهم جواهر مش مسموح لحد يشوفهم او يلمسهم
احساس بتوصل بيه لابعد سما
لكن لما توصل لدرجه الشك صدقونى بتنهار كل حاجه معاها
ودورها سلبى او ايجابى ده بيحدده الانسان اللى بيغير لما بيخلى غيرته بشكل اوفر او طبيعيه



•مانهايهـ هذا الحب في رأيك ? ؟!
الجواز والبيت والاستقرار
والعيله دى نهايه اى حب حقيقى وشريف


•هل من الممكن ان يكرهـ الانسان الشخص الذيے احبهـ ? ؟!
فى ناس كدة بتكره بمجرد الجرح والكدب
بس انا طبعى غريب جداااااااا بينى وبينكم بيشوفوه الناس بانه هبل
بس انا والله العظيم
يستحيل اكره حد
لان ببساطه اللى بيحب مش بيكره
ولازم اسامح ده ربنا بيسامح
انا يا مجرد انسانه مش هسامح
طب ده اسمه كلام
ومش جايز لو حسسته بحب مش بكره اضمن انه مش يجرح حد تانى
ويندم عا جرحه ليا


•هل مرت عليك قصص حب قبل ذلك? ؟!
اها اكيد

•هل مرت عليك قصة حب في طفولتك ? ايام المراهقة ? ؟!
تؤؤؤؤؤؤ ولا مرة
وانا فى الكليه بس والله



•احببت شخص حتى الجنوون ثم تفاجأت بانه لا يبادلك نفس الشعور ? ماهي ردهـ فعلك ? ؟!
هنجرح قوووى
بس مع العلم يستحيل هجرحه
لو هموت انا بس مش هتحصل منى وحياة ربنا



•احببت شخص ولكن لم يكتب لكما ان تكونا لبعض?هل تقبل ان تحضر حفل زفافهـ?ـها? ؟!
اها طبعا هروح لو عزمنى لان ده من عند ربنا
وقسمه ونصيب ولازم ارضى بيه اين كان ولو بحبه بجد هتمناله السعادة حتى لو مع غيرى المهم فرحته وبس