لـيـه مـبـقـاش حـد حـاسـس بـالـتـانـى ...؟!

بسم الله الرحمن الرحيم




! !








السؤال سهل وبسيط جدآ

هو ليه مبقاش حد بيحس بمشاكل ولا بهموم حد

مع انك ممكن تكون حاسس بغيرك

مع انك ممكن يكون قلبك على اصحابك

ممكن يكون قلبك على حبايبك كلهم فى اي مكان

طب وقت ما بتقع فى مشكله ولا بتمر بمحنه معنيه

ليه مش بتلاقى حد جنبك ...؟

سؤال بتسأله لنفسك 1000 مره بس مش بتلاقى ليه اي أجابه

بتفضل تشتكى او تكتب توبك زي ما انا كتبت كده

وايه الفرق ولا النتيجه ......؟ ولا اى حاجة !

او ممكن تشتكى لأنسان بتكون حاسه اوى وقريب منك بتحس انه فاهمك وحاسك اوى

طب ده واحد فين ال 100 اللى بتخاف عليهم فين اللى بتقف معاهم ديمآ ..؟

ما هو انت زي ما بتاخد لازم تدى

فيها ايه لو انت جيت على نفسك مره ووقفت جمب واحد صحبك فى محنه

او شوفته تعبان حاولت تخرجه من حالته

ليه بيجى فى بالك كلمة انا مالى ...!

ازاى مالك ما انت انسان وهو انسان وليه انت احسن منه ...؟

ما هو ياما ساعدك ووقف جمبك

يبقى انت متستاهلش ........!

اظن الظروف دى كلنا بنمر بيها

كام واحد فاهم الكلام ده وحاسه اغلبيتكم طبعآ

ما اصلها حاجه غريبه اوى لما واحد صاحبك يقعد يشكي ويفضفض ويبكى

وهو انسان كويس جدآ بيعامل الناس كلها كويس

بيخاف على اصحابه بيحب الناس بيقف جمب اللى القريب والغريب

ووقت ما يكون هو فى شده ميلقيش ولا واحد قدامه

احباط .. أكتئاب .......... اكيد الأنسان ده هيتغير مع الوقت

زي ما كله بيتغير ......!

ناس سبب تغيرها ناس تانيه وهكذا

لحد ما فى يوم مش هيبقى فى حاجه اسمها انسانيه ولا رحمه

طبعآ كلامى مش غريب ده اللى هيحصل فى نهاية العالم

انا مش هطول عليكم

سؤالى سهل وبسيط جدآ

ليه مبقاش حد حاسس بالتاني