لما شفنا فيلم عاوز حقى بتاع ( هانى رمزى ) قلنا دا كلام غير منطقى ومستحيل
يحصل فى اى دولة وانه مجرد فيلم خيالى وفكاهى شوية .
اما المصيبة بقى ان الحكومة هتنفز الفيلم بجد اه والله بجد
الحكومة هتدى لكل فرد من افراد الشعب ( صق ) يثبت ملكيته فى الدولة
ويقدر قيمة ( الصق _ حوالى 1500 ) لكل فرد وبكدا تكون اخدت حقك فى الدولة
وملكش حاجة عندها ياسيد
وساعتها تقول الشعب هو الى ععاوز حقه فقلنا نديه حقه عشان ميتكلمش
ولا يفتح بوقه بأى كلمة
يعنى هنبقى زى الى باع أرضه وفضل طول عمره مكسور العين
بس خلى بالك توزيع الانصبة على الشعب الموجود حاليا يعنى الجيل الى جاى
ملوش حاجة عندهم يعنى ولادنا ملهومش حق فى الدولة الى هيعيشو فيها
ياسبحان الله والله الواحد مش مصدق الى بيتقال
ومش متخيلة شكلنا أودام باقى الدول عامل ازاى
وياسلام لو امريكا فكرت واشترت من افراد الشعب مقابل مبالغ كبيرة اكيد
الشعب الغلبان الى مش لاقى ياكل هيبيع من غير تفكير
وبكدا نكون ملناش اى حاجة فى البلد دى
يبقى منستهلش نعيش فيها ونروح ندور على مكان تانى يشترينا ميبعناش
ياترى ياحكومة مخبيالنا ايه تانى
ورئيسك هيعمل فى شعبه كدا ليه ولمصلحة مين ؟
