ثلاث سنين كل سنه وانتم معايا...من تامر حسنى لتامر لافرز

مش عارف دى صدفة ولا ربنا رتبها كده
النهارده كان يوم مختلف فى حياتى
و بداية مرحله جديده

و يصادف اليوم ده عيد ميلاد احلى رابطه
3 سنين مش عارف عدوا بسرعة ازاى
3 سنين و انتم معايا و مع بعض
3 سنين بخاف عليكم و تخافوا عليا
و كمان بتخافوا على بعض
بشكر جيمى و رامى اللى عملوا الرابطة
صدقوا حلمهم و حلمهم كبر معاهم
عقبالكم كلكم

طلبت من ربنا حاجات كتير
بس حبكم عدى كل امنياتى
نجاحى نجاحكم

كل النجاح اللى انا فيه كل واحد منكم شريك فيه
فرحتى هى فرحتكم

كل ما اشوفكم فى مطار ولا فى فندق ولا صدفة و تقولولى احنا من الرابطة
بتخطفوا قلبى بنسى كل اللى ورايا و أفضل معاكم
الوقت معاكم بيعدى بسرعة
ده حتى ال 3 سنين عدوا بسرعة

النهارده كنت بمضى عقد مزيكا
و اول ما عرفت ان النهارده بنتم 3 سنين و احنا مع بعض
مهانش عليا أروح الا لما اباركلكم و تباركولى
حاسس النهارده كأنى كنت فى فرح
و فرحان بكل اللى فرحوا ليا

انا لما قلت جمهورى رشحلى عالم الفن كان جد
و كلامكم اثر فيا

انا لما أغنيه بتنزل أكتر حاجه بتهمنى انى اسمع رأيكم
و اكتر حاجه بتفرحنى فرحتكم

يارب يبارك فى كل واحد فيكم
و يبارك لاهلكم فيكم
و كل واحد يحقق احلامه

كل سنة و انتم طيبين

اخوكم

تامر حسنى

ودا يا جماعه توقيع تامر حسنى الى على اللافرز
[ندعوك للتسجيل في المنتدى أو التعريف بنفسك لمعاينة هذه الصورة]

تسلمى انتى ياقمر على رمرورك بجد

» (يا اغلى حاجه عندى)..ما قاله تامر حسنى لجميع اعضاء تامر لافرز ولكل جمهور تامر حسنى
» حصريا : رساله من تامر حسنى لكل جمهور تامر ..تامر لافرز
» وحشتونى ودايما معاكم يا أجمل أخوات...من تامر حسنى لرابطه تامر لافرز وكل جمهوره
» فديو اهداء الرابطه تامر لافرز لتامر بمناسبه عيد ميلاده
» شهادة تقدير منى لأخلص جمهور فى الدنيا ..من تامر لتامر لافرز وجمهوره