اتكلم من قلبك..ارجو التثبيت

[ندعوك للتسجيل في المنتدى أو التعريف بنفسك لمعاينة هذه الصورة]

عندى فوكيره صغننه قااااااااد كده هوا وهى اننا من مده لمده نتعرف

على حد من اصحابنا من اعضاء المنتدى بطريقه قريبه اكتر باننا نختاره

[ندعوك للتسجيل في المنتدى أو التعريف بنفسك لمعاينة هذه الصورة]

ومن غير اسئله ولا حاجه هو يتكلم على نفسه بتوسع وزى ما يحب عن شغله

عن دراسته واصحابه والمقالب بتاعتهم وذكريات ليه وشخصيته وبيعمل

ايه فى حياته عموما وبيعمل ايه كل يوم ونفسه يعمل ايه فى حياته

ونفسه ميكنش عمل ايه ولو نفسه فحاجه بدء يعمل علشان يوصلها ولالا

واسمه الحقيقى وعيلته وتفكيره.... الى اخره

[ندعوك للتسجيل في المنتدى أو التعريف بنفسك لمعاينة هذه الصورة]

هى الاسئله دى مجرد خطوط وافكار بس ممكن يتكلم عن حاجات تانيه خالص

و الاختيار هيكون أيام : الاحد و الاربعاء و الجمعه

[ندعوك للتسجيل في المنتدى أو التعريف بنفسك لمعاينة هذه الصورة]

بـــــــــس لازم

[ندعوك للتسجيل في المنتدى أو التعريف بنفسك لمعاينة هذه الصورة] يبقى بوضوح وبشفافيه ومن القلب

[ندعوك للتسجيل في المنتدى أو التعريف بنفسك لمعاينة هذه الصورة] يبقى الموضوع 55 سطر ونص على الاقل ومحدش ينسى النص وحجم الخط

بين 4 او 5 كقياس متوسط

[ندعوك للتسجيل في المنتدى أو التعريف بنفسك لمعاينة هذه الصورة] يبقى بعيد عن نشاطه فى المنتدى لاننا عرفينه

[ندعوك للتسجيل في المنتدى أو التعريف بنفسك لمعاينة هذه الصورة] يبقى عباره عن تعريف ليه ولحياته مش قصه واحده وخلاص

(يبقى عنواين اساسيه فى حياته اثرت فيه وماثره فيه وهتاثر فيه )
______________

وبس كده تمام وكل ميجى فى دماغى شرط هبقى اكتبه وطبعا انتم كمان

اقترحوا عليا____________________

اما اول واحد انا هدبسه حالا انه يتكلم عن نفسه هو

اقولكوااااا مش عارفة اللي ييجي بعدي يختار هو

..............................
[ندعوك للتسجيل في المنتدى أو التعريف بنفسك لمعاينة هذه الصورة]

بجد موضوع جامد جدا

تسلم ايدك ياقمر

وعشان الموضوع دا جامد

لزمن ندبس منووووووووووونه

يلا ياقمر تدبسى

يلا يامنون
مش انتي اللي عامله الموضوع
مستنين كلامك من قلبك

طب خلاص حاااااضر
عايزين تعرفوا ايه بقي

انااسمي منة الله محمد عبد الوهاب
من بلد اسمها منية النصر
عندي 18 سنة وشوية
مواليد 25/7/1990
بس ضحكوا عليا وعملولي عيد ميلادي يوم 1/8
مش مهم بقي
المهم اني برج الاسد
بس والله مش شرسة خاااااااااااالث
ولاانتوا شايفين غير كده

احكيلوا بقي عن اصحابي وبداية تعارفوا بيهم وعن دراستي

انا 2 اداب انجلش
جامعة المنصورة طبعااا مع اني مكنتش عايزة اروح اداب وكانت امنيتي اني ادخل السن بس بابا رفض لانه كان عايز حاجة قريبة من البيت والسن ف القاهرة
كنت بكره الكلية اول ماادخلت ومكنش ليا نفس اختلط بحد او اعرف حد وفعلا قضيت معظم سنة معرفش حد كتير وكان اول واحد اتعرفت عليه ف الكلية اسمه محمود بس بجد طلع اخ محترم جدااا وبعدين بدأت بقي اتعرف ع بقيت اصحابي وبقوا دنيتي كلها وعوضوني كتير قوي عن حاجات فاتت ف حياتي مش حلوة عوضوني عن صاحبتي الوحيدة ف حياتي اللي فقدتها ف حادثة قبل دخول الكلية بكام شهر
لقيت فيهم حاجات كتير قوي كانت ناقصاني وبعدين بقي بدأت اختلط بيهم اكتر واتعرف ع ناس جديدة ومنهم رنووووون بجد حسيت انها اقرب واحدة لشخصيتي وبتفهمني بسرعة قوي ماتتصوروش قدايه فرحتي مع اول برايفت منها ليا وعنوانه بجد مش قادرة انساه الي اكتر بنت حسيت انها انا عمر ماهنسي اليوم ده وعمري ماهنسي رسالتها ليا وعمري مهما كان ماهنسي رنا اكتر حد بحس انه بيفهمني بجد
عدت اول سنة ف دراستي بتعارفي ع رنا من ع طريق سايت بتاع سبيدر
وكنت مبسوطة قوي بيها لان كانت شبه مها ف كل حاجة بالمناسبة مها دي كانت صاحبتي الوحيدة من واحنا صغيرين وكبرنا سوا وحلمنا سوا بحاجات كتير بس للاسف بقي ربنا افتكرها
وافتكرني انا كمان لما عوضني برنوووون وعوضني بااصحابي كلهم كمان
وف نفس السنة برده اتعرفت ع واحد مش عارفة اقول عنه ايه بجد بس اكتر حد خلي ثقتي تهتز ف الناس
بس اصحابي الحمدلله مش سابوني لوحدي وقدرت ارجع ثقتي ف الناس تاني وعدت السنة بحلوها وشرها ونجحت ف اولي وبدأت اتعود ع الكلية والناس اللي فيها ومش بس كده حبيتها قوي وروحي اتعلقت بكل جزء ف الكلية لان بقي فيها ناس غاليين قوي عليا

بصوا يااحلي اعضاء كفاية كده بقي النهاردة عشان اقوم اذاكرلي كلمتين
المهم اناحكيتلكوا عن اول سنة ف الكلية
ولوعندكوا اي سؤال او تعليق ع كلامي يللا
مستنياكوا وان شاء الله هكملكوا بقي بعد ماتسألوا
نلتقي بعد الفاصــــــــــــل
منوووووون

بجد يامنه ربنا اللي يعلم ان انا بعزك وبحبك اكتر من اي حاجه في دنيتي
وبتمنى بجد ان اخويتنا تفضل على طول وتستمر وبتمنالك كل خير
لانك انا بحس ان انا وانتي روح واحده بس منفصله في جسدين
بتحسي بجرحي وبحس بجرحك بتحسي بكل حاجه تخصني
انا وثقت في ناس كتير واتخدعت في ناس كتير بس عمري ما نفسي خدعتني ومنه هي نفسي
بجد ربنا يخليكي ليا ومش يحرمني منك ابدا



كفايه عليكي كده يامنون نقعد احمد ماتريكس بقى

ههههههههههههههههههه

ماشى يارنا


sooooooooooooooooooooon

وبعد فترة من بداية السنة مش كتير يعني
اتعرفت علي حد وحسيت اني قلبي دق ومال ناحيته وهو المفروض انه بادلني نفس المشاعر زي ماهو قال

ممكن ارخم
هومين ؟؟؟

هو حد بريء قوي وطيب قوي وحنية الدنيا كلها ف قلبه
واظن انك عارف كده كويس
بس اسفة يااحمد مش هقدر اقول اسمه لانه مبقاش من حقي اني اقول كمان عشان هو ممكن يتضايق اة يتحرج
انااسفة يااحمد مش هقدر اقول اسمه

اكيد يافتحي كلنا هنا اخوات ونحترم بعض
واهم حاجه بينا الصراحه والوضوح
منون انتي بجد كنتي صريحه جدا وواضحه
وعارفه انك بترتاحي لما بتحكي وتتكلمي عن اللي جواكي
ربنا يوفقك في حياتك وتلاقي انسان بجد يقدرك ويعوضك بحب حقيقي ورومانسي ياقمري





بما ان عمرو اللي مترشح






فنقوووووووووول يالا ياعموووووووووور دورك ياكميل

بجد ميرسي قوي ليك يافتحي وطبعا احنا اخوات واصحاب

حبيتي يارنا ربنا اللي يعلم انتي ايه بالنسبالي وميرسي تاني ليكوا كلكوا علي وجودكوا معايا


ويللا ياعموووووووووووووور
اتفضل

هههههههههه
شكله كده يافتحي عامل نفسه مش شايف التوبيك
انت فييييييين ياعمووووووووور
هيا تشجع

على فكره عمرو شايفه
ومطنش عامل انو مش واخد بالو
بس على مين

قول متخفشى ياعمرو
كلنا سر سرك فى بير
يلا متخفشى

يلا ياجميل خش بقلب جامد
نحنو معك

:albino: :albino: :albino:

اخيرا دخلت اهون بس انا بعتز جدا


انا هحكى ليكم كل حاجه

بس انتو يعتبر عارفين كل حاجه عنى لانى بكلم معظمكم او كلكم واكيد بيعرف كل حاجه عنى

بس مدام اخترتونى انى اكلمكم من قلبى بجد خلاص اوك ..

؟؟؟؟؟


يالا بينااااااااااااااااااااااااااااا


...........................

انا اسمى عمرو علاء

من المنصوره / دكرنس
عندى 18 سنه وشويه مواليد 25/7/1990 يعنى لو يوم ميلاد منه بتحسبو كدا يبقى انا وهيا فى يوم واحد

كنت عايش عادى زى اى شاب من الطفوله معايا كام واحد كدا مش هقولكم ان هما اعز ناس ليا فى الدنيا دى

كانو معايا فى جميع المراحل السنيه بالنسبه للدراسه وهما كمان يعتبر كلهم او معظمهم معانا هنا ع المنتدى الى هما ( احمد ماتركس _ وعطيه _ ومحمد صالح _ وسامح _ وفى ناس تانيه بس مش ع المنتدى لاكن دول معايا فى كل حاجه .
عطيه البيت بتاعه جمبى البلكونه فى البلكونه ومحمد صالح جمبى البلكونه فى البلكونه ونفس الشيئ سامح ...

عرفت ناس كتيره فى الدنيا دى منهم الحلو ومنهم الوحش اتعلمت حجات كتيره اوى اوى علشان كدا عرفت ان الحياه صعبه مش سهله زى مفى ناس كتيره معتقده كدا
المهم .. جايت فى المرحله الثانويه كنت لسه عادى مش عارف حاجه مش عارف يعنى ايه لسه حب والكلام دا
المهم كنت او ل مره احس انى بحب حد او معجب بيه بس معرفش كنا فى المرحله دى بيحسبوه حب ولا ايه
جيت بعد كدا المرحله دى عدت من غير مرتبط بأى حد

جـــــــــــــــــــــــــــــــــــــــــــــــــــــــــــــــات بقى مرحله الجامعه

دى بقى من احلى الفترات الى بعشها بس بردو فيها حجات وحشه اوى قبلتنى
قبلت ناس فى المرحله دى كتيره .
عرفت ان صحبيت الشباب متتعوضشى يعنى من الاخر على رأى مطرب الجيل الحالى ايمن رشدى ( تصاحب راجل تعيش راجل تموت راجل . تصاحب حرمه تعادى كل يوم راجل ؟

يعنى هوا معنى انى قولت كدا انى معرفتش بنات لا عرفت طبعــــــــــــــــــــــــــا
عرفت بنات جدعه اوى تقف جمبك فى وقت الشده بجد لاكن عرفت بنت حسيت انى لقيت نفسى بجد فيها حسيتى ان الحياه بقت حلوه كدا بس معرفشى كانت فى ظروف بعدتنى عنها.
فى المرحله دى كلها قبلتنى حجات صعبه اوى قبلتنى موت حد كان يعتبر هوا انا يعنى مفيش فرق بينى وبينه كنت بحبه اوى وكان بيحبنى اوى علشان كدا مش هنسااااااه ابدا
ومنهنا بدأت التفكير الصح فى الحياه عرفت ان الحاجه الحلوه هيا الى بتتاخد زى ميكون شجره وفيها ورده حلوه والورده دى الى وقعت م الشجره بلاقى الشجره شكلها بقى وحش .
هيا دى بقت الحيات بالنسبه ليا ... بس يالله ادينى عايش وراضى

الى مصبرنى ع الحياه دى اخويا الكبير بحبه اوى والى بحبه فيه انه فى حاله كدا يعنى بتاع ربنا وانا كان نفسى ابقى كدا وحولت فعلا بس معرفتش !!!!!!

اليوم العام بتاعى بقى عامل ازاى هقولكم ؟؟؟
بقوم من النوم الساعه 2 الظهر بفطر وبقعد ع النت وبرجع انام الساعه 6 الصبح وابقوم 2 الظهر كدا
يوم ممل صح ؟ بس مش مهم اصل مفيش جديد . ولا حتى والله قديم ..

الى بتمناه من الدنيا دى رضى الوالدين عنى دى اهم حاجه نفسى فيها وياااااااااارب بقى


الوقتى المغرب بيأذن لازم اقوم اصلى
اى حد عايز يعرف اى حاجه يقولى وانا ارد عليه
بس حد يبقى ينبهنى بقى علشان انتو عارفين انا مشغول قد ايه

بيس يااحلى اعضاء

بس لازم اجيب بعدى احمد حسنى عايزه يفتح قلبه
علشان انا عارف ان جواه كتير اوى

يالا ياماتركس

اولا ميرسي علي ردك

ثانيا بعد اذنك هعلق علي حاجات معينة
عرفت بنات جدعه اوى تقف جمبك فى وقت الشده بجد لاكن عرفت بنت حسيت انى لقيت نفسى بجد فيها حسيتى ان الحياه بقت حلوه كدا بس معرفشى كانت فى ظروف بعدتنى عنها.

اولا الحتة دي بص ياعمرو كل واحد ف الدنيا طول ماهو عايش بيفضل يدور ع الحب اللي بجد وبيفضل يدور علي انسان يحس بيه ويلاقي فيه نفسه ويوم مابيلاقيه المفروض انه يتحدي الدنيا كلها عشان يحافظ معاك يتحدي اي قوة ف العالم الظروف عمرها ماكانت اقوي من اردة الانسان لانها من الصنع الانسان
عمرو بجد لو حبيتها حاول تحافظ عليها لانك لو حبتها بجد يبقي تأكد انك هتاقيها مهما طال وقت البعد
ووجود الحب هيقويك مش هيضعفك حاول تحافظ عليها ياعمرو حاول تتحدي بيها الظروف
واجه قدرك مش تنسحب وتقول خلاص الحب بيقوي ياعمرو مش بيضعف


ثانياا بقي والاهم هيا دى بقت الحيات بالنسبه ليا ... بس يالله ادينى عايش وراضى

مينفعش ترضي بحالك وتسكت حاول تصلح الواقع لو مش عاجبك بأيديك انك تخلي كل حاجة حلوة قرب من ربنا اكتر اسعي انك تحقق هدفك
دور ع حد يشاركك كشاكلك ويحس بيك ينصحك يساعدك
تلجأله ف وقت ضيقك وتفضفضله وقت خنقتك عشان بكرة يبقي احلي متقفش ع النهاردة


عارفة اني طولت عليك
عشان كده هااسكت اهو
قبل ماتقوللي اسكتي كده

ورببنا يوفقك ياعمور وتحقق كل اللي تتمناه
وثااااااانكس ع صراحتك

والله كلامك جميل منووووووون ويارت ياخد بيه

اصل انا زهقت فيه من موضع النوم دا

واسمع كلام منه ياعمرو متسمعشى كلام مامتك
اسمع كلام منه ياعمرو متسمعشى كلام باباك

ههههههههههههههههههه
المره دى اسكت كده انتا؟؟
المتركس

ههههههههههههههههههه

ماشى يامتركس

ههههههههههههههه

ماشي يااحمد
اه صحيح فكرتني
النوم كتير ياعمرو
بيخلي الواحد مزاجه وحش
لان لماتشوف نرو ربنا والشمس الصبح وتصلي الضحي كده
دي نعمة كبيرة قوي
جرب تصحي بدري تصلي
وشوف يومك هيبق عامل ازاي
صدقني هيبقي يوم حلو قوي

يانايسك ياعمور
اشكرك على صراحتك
مع اني حاسس يانصه ان فيه حاجه مخبيها :study:

بس ايه حكاية لخبطت تواريخ الميلاد دي :study:

يلا يامتريكس دورك ياكميل

يللا ياماتركس لامفر

ومتعملش نفسك مش واخد بالك

هههههههههههههههههههه

اروح منك فين انتى وهيا


يالهوى

انت لسة هتزبهل يللا ابدأ ف تسجيل اعترافاتك

انا احمد حسنى عبد المعطى
اللقب بتاعى متركس
بحبو اصحابى بيندونى بيه
من المنصوره / دكرنس

موليد 20/6/1990
فى شهر رمضان

طالب فى الكليه التكنولوجيه

عندى موهبه يعنى على قدى كده بعرف اغنى صوت كده على قدى
ودا لانى اتنشات على صوت انا بعشقه طبعا كلوكو عارفينو عمرو دياب
بحب النسان دى من صغرى وانا فى خمسه ابتدئى اخويا الكبير اللى حاببنى فى الانسان ده
كان ايمها شريط دياب نازل كان شريط عودونى وكنت احب الحركه اللى بيعمله للاطفال فى الكليب وكنت اقعد اعملها للعيال فى الشارع ....
ومن ساعتها وانا بحب حاجه اسمها دياب
لحد معدت واحد من الرابطه بتاعو
يعنى انا ديابى اصلى متربى على صوته وبعشقو
وكلو بيقولى ياعمرو دياب
يعنى عمرو داه ركن خاص فى حياتى
عيش حياتى زى اى حد حياه بسيطه ومتواضعه

ليا اخين هما حياتى كله هانى فى الامارات وسعد فى الجيش
بحب اصحابى جدا كنا لس بنلعب صلح الوقتى حلا (عطيه وعمرو وسامح ومحمد وفتحى )
وفى ناس مش معانا فى السايت بس بلاش اصل كتير وانا بحبوهم قوى

الحياه حلوه وهما معايا ؟؟

حياتى وانا صغير كانت حياه جميله جدا مكنش فيها اى حاجه وحشه خالص مكنتش اعرف يعنى ايه كره ولا خيانه ولا اى حاجه وحشه
بس الواحد لما بيكبر بتكبر معاه مشكله والحمد لله الواحد بيعرف يتغلب عليه

وادينا عايشين
مرحلتى فى الابتدئيه كانت احسن مراحلى الدراسيه
كانت بطلع من الاوئل وكانت حياه حلوه مش عارف انا بقيت فاشل بعد كده ليع؟
جى بعد كده الاعداديه
وكانت حياه حلوه بردو
بدات بقا اعرف اصحابى وعرف يعنى ايه معنى صاحب

وبعد كده عرفت اول انسانه فى حياتى واللى هيا فعلا حياتى
بس الضروف مكنتش معانا رغم كونا بنحب بعض حب جنونى
الضروف اللى هيا راحت ثانوى فنى وانا روحت ثانوى عام
بس حبنا لسه زى ماهو متغيرشى
جات فترت انها كبرت بقا والاهل عايزينها تتخطب وهنا الصدمه

جاتلى البيت وقالتلى اعمل ايه ياحمد وبكت قدامى
الحقيقه انا مكنش عارف اقول ايه اقولها لا لازم نكون لبعض وكده وعلقها معايا ولا اقولها ربنا يوفئك
انا اخترت ...........
لانى كنت بحبها ومحبتشى انى اعزبها معايا ولان صغر سننا دا سد كبير قوى وهايبهدلنا

وجات فترت الثانويه وهى اللى فى خيالى مش اكتر
وفضلت احبه واتجوزت ودعيت ليه لان هيا مكنش منها اى عيب وكانت معايا لاخر لحضه ولا كن الضروف غلبتنا وكانت اقوى منينا
المهم كانت دى اووول قصه حب عشتها ومش هاعيش بعدها

فى اغنيه لرامى صبرى كل مابسمعها بتيجى على بالى على طول
فاكر عنيه وضحكتها لمسه اديه وبراتها زى الملايكه فى رقتها فاكر زمان لو حتا كانت نسيتنى انا لسه فاكر ويارتنى اشوفه تانى ولو صدفه فى اى مكان
اتمنا اشوفها واقزلها انى حقيقى بحبه وقفت حيات وبعدها عايش واحيد
اجمل سنين انا عشتها كانت معها وجمبها بتمنا تانى ارجعلها انا من جديد

وقضيت حياتى بقا معا اصحابى فى الثانويه
وخلصنا اهو وبقينا فى الجامعه وكبيرنا وبندور على مستقبلنا
وبنت الحرام قصدى بنت الحلال
ودى حكايتى من القلب
انا على فكره مبسوط انى معاكو هنا فى المنتدى بتاع اخويا عمرو ومعنا عطيهو.......... احسن ناس قابلتهم فى حياتى

ويارت اكون متالتش عليكم اى استفسرا ت تحت امركو
المتركس