انــــــــــا مش مــــــــزة

تحمل مجتمعات الشباب كثير من المعاني ، صحيح أن بعضها يوصف بالرعونة والطيش إلا أنها بعضها يحمل معاني ماً يكون لها غاية أو هدف لإصلاح أوضاع خاطئة فى المجتمع ، ومن هنا جاءت فكرة صفحة "شباب الفيس بوك الجديدة" لمشاركة الشباب أفكارهم ، أحلامهم بحلوها ومرها من خلال التنقيب عن أفكار الشباب بموقع "الفيس بوك" الذي يمثل واقع مصغر للمجتمع بكل طبقاته الاجتماعية.

ومن المجموعات اللآفتة للنظر جروب "قل امرأة .. ولا تقل مزة" والتى تهدف إلى شطب الكلمات البذيئة التى تصف بها المرأة وتصنيفها كإنسان له شخصيته وكرامته تماماً مثل الرجل.
تقول مؤسسة الجروب التى تحمل اسم fantasia alam : كلمة مزة بقت سلاح يستخدم ضد المرأة في مصر ، خلاص الجنس الأنثوي كله بقى بيصنف على انه مزة، والكلمة بقت على كل لسان وكل الأعمار والمستويات والطبقات الاجتماعية بتستخدمها.
مزة كلمة مقززة، ليها معنى جنسي، وهدفها اختزال المرأة في جسمها والتحقير من شأنها وفرض مكانة دونية ليها في المجتمع ، مش ممكن نطالب بحقوق مرأة أو ان الست في مصر توصل لمناصب قيادية وهي مجرد مزة! مين هينتخب مزة عشان تمثله في البرلمان؟ مين هيروح لدكتورة مزة عشان تعالجه ؟ مين هيحترم استاذة مزة بتدرسله ؟ ازاي المجتمع هيعاملنا ياحترام وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه علينا بكل وسيلة وفي كل مكان؟

لازم كل ست وكل بنت بتحترم آدميتها ترفض ان يتقال عليها مزة ، لازم نقف في وجه المجتمع الذكوري ونمنعه من اختزالنا في مجرد أجساد ، لازم كل واحدة تعلن أنها إنسان نوعها امرأة، مش مزة ، لازم كل واحدة تدافع عن كرامتها وتقول أنا مش مزة
دعوة لشطب هذه الكلمة البذيئة المحقرة من شأن المرأة من قاموسنا العامي المصري, وتصنيفها باعتبارها كلمة بذيئة
نحن نعترض على استخدام هذه الكلمة في الإعلام و الأغاني و الأفلام ، يجب أن تلقى المرأة المصرية الاحترام الذي تستحقه وألا تستسلم لعنف المجتمع وممارساته القمعية ومحاولة إذلالها وامتهانها وتشييئها

شاركونا لنعلنها صريحة : المرأة = إنسان نوعه أنثى
المرأة المصرية ليست مزة
بالبلدي.. أنا مش مزة

و الله انا مش بحب الكلمه دى
فعلا لازم وقفه
بس تقولى لمين

هنقووول ياجوجو ان شاء الله
ودي بداية اهي
ميرسي ياقمر لمرورك

ههههههههههه
والله يا منونآ عندكـ حقـ لا ودلوقتى بقت موله كمان
نعمل ايه مش نافعـ ولا بيسمعوا الكلامـ ما مش بيرضوا ع اخوتهمـ كدا يبقى ميرضهوش على بنآتـ الناسـ
والغريب يقولوا ع البنت مزة وهى اصلا مفيهاش اى معالم جمال مجرد كلمه واستحلوها
وانا كمآن اضم صوتى ليكى واقولكـ
أنآ مش مزه

ميرسي ياقمراااااية ع ردك ومرورك
وعايزين كل البنات تقول انا مش مزة
والولاد كمان يقفوا معانا
لانهم برضه بقي بيتقال عنهم مزز
هههههههههه

السلام عليكم
اختى الغالية بادئ ذى بدء احب اهني حضرتك على الموضوع
موضوع جاد ومحترم يستحق التقدير وان كان لى تعقيب بسيط على اسلوب الطرح
واحب انوه ان كلامى غير موجه لحضرتك كشخص
...طالما انى اراعى الاداب والعادات والتقاليد...
كل ذلك اخنى العزيزة غير ذى قيمة مالم تراعى دينك وسنجد ان الدين يشمل ذلك ككل.
...وحتى لو كنت كذلك فذلك ليس مبرر...
على العكس تماما فهذا اكبر مبرر من وجهة نظر من يعاكسك
...ولا يبدين زينتهن..
وما دمت قد خرجت الى الشارع فان ذلك لم يعد من الخصوصيات وتكونى بالفعل قد شجعتى من يعاكسك
ولم تقدمى لنفسك اى نوع من الاحترام فى نظره
..سيقول الشباب البنات بتحب كدا....

معنى ذلك ان دا موجود انا لا اعممه لكنه موجود
...ولن اتكلم من الناحية الدينية...
وهى الناحية الاصوب بل والتى يعزى اليها صلاح كل الامور
...اعلم انك بهذا لا تنول اعجاب الفتاة وانها تعتبرك طفل صغير...
وكأنك لا تعترضين على المعاكسة ككل بل اسلوب الاستاذ المعاكس هو مادفعك لصده
فالمرة القادمة عاكسنى كرجل بلغ العقد الثامن من عمره واقم معى حوارا جادا تلتزم فيه بالاسلوب الاقوم للمعاكسة
وانتق لفظا لم تبطل موضته غير مزة
سيدتى الفاضلة الموضوع ليس موضوع اسلوب او وصف للطرق الحقيرة للمعاكسة
وانما هو كاى موضوع يحتاج لدراسة اسبابه والعمل على ايجاد حلول جذرية
واحترامى الشديد لارائك

لجضرتك وافر الشكر والاحترام
بس احب انوه عن حاجة مهمة جدا جدا
اني موضوعي بتكلم عن كلمة مزة وارفض ان توصف المرأة بهذه الكلمة مش شرط ف المعاكسة فقط بل عامة ف مجتمعنا تذكر تلك الكلمة لوصف اي انثي
ف من موضوعي ده بقل ان اثني لاتساوي مزة
برفض ان يقلل مش شأن المرأة وكيانها وتوصف بالوصف ده
يعني مش بتكلم عن المعاكسة ولاابداء الزينة وبعدين انا ولحدة من الناس لبسي كويس جدا زي اسلامي (عبايات) وشكلي مش فيه اي معني من معاني الاثارة وبسمع كلام ملهوش اي لازمة لان اللي بيعاكس مش بيبص لا للشكل ولا اي حاجة هو بيعاكس لمجرد انه يتقال عنه واد fit وكول ومش عارف اايه

جميل اوي التوبيك يا منون بس انا متأكده ان محدش يفهم المعني ده قبل كده والي فهمه نتمني مش يقوله تاني لأنه عيب وأنا أصلا مش بحبه شكرا ع التوبيك يا أحلي منون
وانا مش مزه

جميل اوي التوبيك يا منون بس انا متأكده ان محدش يفهم المعني ده قبل كده والي فهمه نتمني مش يقوله تاني لأنه عيب وأنا أصلا مش بحبه شكرا ع التوبيك يا أحلي منون
وانا مش مزه

انا كمان مش مززززززة
منورة يانونا

السلام عليكم

ياانسه MaNoNaaa لكي مني كل التحيه والود والاحترام علي موضوعك

ولكن اقف ضد كلامك لأن اي انسان بيعاكس بينظر اولا للانسانه اللي امامه

اذا كانت بنت من اياهم فبيعاكس انا مبقولشي اكتر من كده

طب بأمانه لو شاب شايف واحده محترمه ماشيه في حالها لبس واسع هيعاكسها ليه

ياانسه manonaa اي شاب مبيعكشي الا البنت اللي تستحق انها تتعاكس لأنه مفكر هيتقال عليه واد فتك مقطع السمكه وديلها الله المستعان وانا اسف ان كنت غلط في كلامي مع حضرتك

انا عارف ان حملتك وموضوعك حول شعار عفوا ياكابتن انا انسانه مش مزه

[ندعوك للتسجيل في المنتدى أو التعريف بنفسك لمعاينة هذه الصورة]

واخيرا اللي ناس كتيره مش عارفاه ان كلمه مزه مش وحشه مزه كلمه جميله

كلمة مزة يعنى

هناك كلمات كثيرة نرددها ولا نعرف معناها وأشهر هذه الكلمات هي كلمة "مزة" ومشتقاتها من "مزز" و "مز" ، وربما يعود أصل هذه الكلمة إلى ربات الفنون في الأساطير القديمة في عصر ما قبل التاريخ فقد كان يطلق عليها Muses وقد وصلت هذه الكلمة إلى الانجليزية عبر كلمة Mouseion والتي تعني "من أعمال ربات الفنون" وبالطبع كانت هذه الكلمة Muse أصل كلمة Music وكلمة Museum كما ذكر الكاتب حازم جلهوم.

قد يكون هذا الاجتهاد صحيحا وتعود كلمة مزز إلى الآلهه، فهل ترضى الفتاة أن يناديها الولد بكلمة مزة بعد أن عرفت أنه يطلق عليها لقب "ربة الفنون"؟ بالتأكيد سوف ترفض أيضا أن يناديها بذلك لأن وقع الكلمة على الأذن يكون حادا جدا ولا تفضلها الفتيات، وإن كانت الفتاة لا ترضى أبدا أن يقول عنها الولد أنها "ليست مزة" بل وتتضايق جدا حتى لو حاولت إظهار مشاعر أخرى، ولا أنسى صديقي حين قال "كل الناس بتقولي إن في كلية خدمه اجتماعيه المنصوره مزز .. هم فين دول؟" وهنا صاحت فيه صديقتنا مستهجنة "يا سلاااااااام؟" اي معترضة على رايه وتعتبره قد أنها حين قال أنها ليست ضمن فئة الـ Muses.

بصراحه اختي الكريميه manoona موضوعك رائع واسمحي لي ان ابدي اعجابي بقلمك الرائع تحياتي ومودتي لك

ع مرورك ياقمر

طبعا عمر ما البنت بتتقيم بلبسها ويتقال عليها موزة كل واحدة حرة فى لبسها ضيق ولا لا دى حرية شخصية مش احنا اللى هنحاسب ونقولها انتى مش محترمة ياموزة
فى ربنا هو اللى بيحاسب انا كواحد من الذكور والله لو شوفت بنت جميلة وحلوة بروح وبستأذنها انى ااقولها كلمه واحدة وبتبقى الكلمة دى بسم الله ماشاء الله ربنات يزيدك جمال وبصراحة ده انا عملته حوالى اربع مرات ومرة كانت واحدة ماشية مع خطيبها واتسأذنتها وخدته على جمب وقولتله ربنا يخليهالك وهو ولا كان يعرفنى واحترم رائيى بس مش اكتر انما فعلا كلمة موزة دى مش كويسة بالنسبة للبنات والبنت فعلا لازم تتقيم صح

تسلم ايدك يامنون على الموضوع الرائع ده ياقمر

الله يفضحك
اخدته ع جمب ان شاالله يااااااارب تقع ف واحد معندهوش تفاهم يمسكك يضربك لمايعدمك العافية ع تعقل
هههههههه
منور التوبيك ياقمر

لا ماانا مش هروح ااقول لعنتر بن شدادا عبلة حلوة انا مش قد الناس دى يامنون ولا ايه !!!!!!!!!!

ما احلي المناقشه بين العضو المميز دائما ليالي فون

والعضوه المحترمه MaNoNaaa

بصراحه انا متفق مع ليالي فون في كل كلمه قالها تسلم يااخي

علي المناقشه

ياقمر ع مرورك