ياااااااااه على اجمل قصة حب بس ياخسارة

ازيكم يااحلى اعضاء وحشتونى اوى بجد

الناهاردة انا جايبلكم قصة حب فعلا حقيقة وابطالها اتنين اصحابى من ابتدائى
الاتنين كانو بيبحبوا بعض بيحبوا بعض بجد من ابتدائى يعنى اكتر من عشر سنين حب بس حبهم اتطور اكتر من ساعة مادخلوا 2 اعدادى لانهم بدأو من ساعتها يكلموا بعض على الموبايلات واهلم عرفو انهم بيحبوا بعض وهم فى 2 ثانوى كانو بيكلموا بعض اكتر من 8 او 9 مرات فى اليوم كانو بيبحبوا بعض بجد
واهل البنت اتعرفت على الولد واهل الولد كذلك اتعرفت على البنت
دخل الجامعة وكان كل يوم حب يكبر معاهم لحد ماخطبوا بعض او بمعنى اصح قروا فتحة وعاشو اجمل ايام عمرهم خروجاتهم مع بعض كل حاجة فى الدنيا كانوا
بيقسموها مابينهم سواء فرح او حزن لحد ماشاء القدر
ويتحرموا من بعض بوفاة البنت فى حادثة
وكانو اوحش خبر سمعناه كلنا فى حياتنا لانه اثر علينا كلنا كاصحاب
واللى زود حزننا اكتر واكتر لما عرفنا ان صاحبنا دخل المستشفى وجاتله جلتة فى القلب بس الحمد لله اتعالج منها ودلوقتى هو عايش حياته مابين البيت والجامع والكلية بس

وبالظبط كل يوم جمعة من كل اسبوع بيروح المقابر يقرالها الفاتحة ويقعد جمب المقبرة يبكى بس ويرجع وهو فايق ومرتاح بيقول بحس انها بتكلمنى لما بروح بحس انها جمبى معايا عايشة معايا فى كل لحظة
عمره مابص لبنت بعد ماتوفت مش بيفكر فى حاجة اسمها جواز ولا الكلام ده وكل يوم خميس يروح لاهلها ويقعد مع اختها ولما يروح المقابر يوم الجمعة يتكلم ويحكيلها عن الكلام اللى حصل مابينه وبين اختها

يااااااااااااااااه على الحب الحقيقى ربنا معاك ياصاحبى

انا مش طالب غير حاجة واحدة من كل واحد يقرا الموضوع انه يقرالها الفاتحة
بجد عمرى ماشوفت ولا هشوف حب بالشكل ده