الحياة . دلــتــاوى بقى برونزى .
عدد الرسائل : 282 العمر : 33 هوايتك : الرسم مزاجك أيه : عدد النــقاط : 400
| موضوع: بتخبى لييييييييييييه؟ الثلاثاء مايو 04, 2010 4:12 pm | |
| ساعات كتير اوي بيكون جوانا حجات بنحسها
بس بنبن عكسها تماما
خد عندك مثال لحجات كتير
واحد جواه طيب بس بيظهر انه صعب وقاسي ومش اي حد
من اللي شافو واللي داقو بيحاول يغلف نفسه بدرع يحميه م الناس الغدارة مع الوقت وطول التمثيل بيقتنع وبيبقى كده بجد ...
حد تاني العكس جواه وحش جدا جدا جدا
وبيظهر العكس تلاقيه ذوق وكلامه حلو وخدوم ده مبيقدرش يطول في الفيلم بيتكشف على طول عشان الشر جواه ماليه ومبيقدرش يستمر بيبقى مؤقت لغرض معين .. خلص الغرض وحدناه خلصت معاه التمثيليه ...
حد تاني غير يداري حب جواه لشخص معين والاسباب هنا كتيرة جدا يا ضعف شخصية وقلة ثقه فنفسه يا قلة ثقة في اللي بيحبه يا خوف من تجربة حاجه جديده وبيعيش في دوامة الاعتراف اقول وللا ما اقولش تبقى حياتو كلها شكوك وتوهمات النهارده بصتلي انا شوفتها ضحكتلي ياترى حاسة بيا؟ اقرب اقول وللا هتكسفني ...
في مواقف بنحتاج فيها بنزين كتير عشان نمشي بنزينك فالحاله دي هو الشجاعه وشوية ثقة فالنفس وكلو بيمشي ...
وفي ناس تانيه بتداري الكره في قلوبها بس سبحان الله بيبان عليه .. وفي اللي بيحس بيهم وفي اللي مبيميزش وبياخد على دماغه .. على فكرة العين مراية القلب ومش كل الناس بنفهمهم ونقراهم من عنيهم لازم يكون حد طيب وصافي واللي جوه ده ابيض حد مبيزيفش واللي فقلبه على لسانه ده اللي عنيه بتكشفه وبيبقى كتاب مفتوح قدام اي حد
مخفي الكره والحقد بيبان بردو ولو بعد حين نفس النظام بياخد وقته وجايز ياخد غرضه وجايز مياخدوش
بس فكل الحالات بيبان
افتكرت هنا فيلم ولاد العم جارة منى زكي اليهوديه اللي عامله صاحبتها وفالاخر قلبت 180 درجه
ده نوع من انواع الكره المخفي اللي بياخد وقته %U6%C(يبان
كل الانواع اللي عدت دي والحجات دي ممكن تخفيها وتتعايش بيها عادي من غير ما توجعك
الا حاجه واحده الحـــــــــــزن
لما تداري الحزن جواك وتبقى فوسط الناس بتضحك وتهزر وانت ربنا وحده اللي عالم باللي فقلبك
الحزن بيكبر يا جماعه اه وربنا بيكبر الواحد وبيشيله هم بحسها من نفسي لما بحزن واداري ابص لنفسي فالمراية احس من عنيا اني حد عنده 70 سنة
بجد لما قال تامر عاشور الحزن مالي العين مش الدموع بس اللي بتملى العين
الحزن بيبتدي كده بالراحه بالراحه لحد مايملى عنيك
وتبقى عنيك حزينة للأبد مهما فرحت ومهما ضحكت بتفضل في نظرة شجن جوه عنيك اي حد يشوفها يحسها ..
بتبقى قدام الناس بتمثل الفرحه بس لما بتبقى لوحدك بتهرب من كل حاجه وتتدارى ودموعك محدش بيحس بيها اكتر حاجه متعبة لما تداري حزنك ع اللي حواليك اولا عشان محدش يزعل ومتشيلش حد الهم معاك تانيا لأنك لوقولت واتكلمت مفيش فايده اصلا وحتى حزنك ده
لا هيزود ولا هيقدم ولا هيأخر
ساعات بنتحط فمواقف بنقبل بوضع صعب ومنقدرش عليه بسبب حد غالي عليك عشان يبقى هو مرتاح
هو كمان ضحى كتير جه الدور عليك تضحي انت كمان وتستحمل
حتى لو حياتك هتقلب جحيم بس عشانه هتستحمل ::e4::
وهو ده حال الدنيا
قولولي ايه اللي مخبيه جواك ومحدش عارف بيه ولا حاسس بيه ومداريه ليه؟؟؟
| |
|
DAWiNI . دلــتــاوى بقى برونزى .
عدد الرسائل : 4184 العمر : 31 هوايتك : السباحة و المطالعة و البحث في الأنترنيت مزاجك أيه : عدد النــقاط : 3927
| موضوع: رد: بتخبى لييييييييييييه؟ السبت أغسطس 07, 2010 2:03 am | |
| معلش هحتفض بيه لنفسي يا قمر
بس بجد كلامك كلو صحج
تسلم ايدك و مجهودك يا قمر | |
|
MaGnOoOn JaNnaT مشرف على المنتدى العام
عدد الرسائل : 1186 العمر : 32 هوايتك : طالب مزاجك أيه : عدد النــقاط : 565
| موضوع: رد: بتخبى لييييييييييييه؟ الأحد أغسطس 08, 2010 7:28 pm | |
| سورى يا مى انتى عا رفنى مبحبش احكى لحد حاجه من اللى جوايا
بس نايس كتير يا قمر وبجد المنتدى بقى جامد اخر حاجه
| |
|