نكت جمدهههههههههههههههه مووووووووووووووووت

صباح الفل والعسل واليسمين....الخ نبدأ بسرعة عشان وراية امتحنات (ربنا يعين)

مره خمس صعايده داخلين امتحان فجالهم سوال ما هي عدد ارجل المعزه؟
كلهم قعد بقي يسالوا الدحيح بتاعهم مكنش بيرد عليهم
بعد
الامتحان بيسالوا انت مكنتش بترد ليه قالهم اصل المراقب كان جنبي معرفتش
اطلع المعزه

مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ? قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ??? قاله لأ.. فنزل الراجل وسأله : امال عايز ايه ? قاله عايز بلونتين

واحد مسطول بيقول نصيحه رضا الوالدين احسن من رضا ابوك وأمك

واحد قاعد في خمارة لقى اتنين مساطيل
بيكلموا بعض
انت ساكن فين في مدينة نصر معقولة؟ وانا كمان .. فين في مدينة نصر؟
في المنطقة الأولى شارع النصر الله وأنا كمان، في عمارة كام؟ شقة 35 لأ مش ممكن ، وانا كمان
الراجل هيتجنن، سأل الجرسون ايه الحكاية؟
متاخدش ف بالك دول واحد وأبوه بيسكروا هنا كل يوم

مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه

مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها

بياع سمك ابنه مات . مشى فى الجنازة يقول كان صاحى وبيلعب

بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية

مسطول بيقول لصاحبه إمبارح شفت فيل أحمر طاير فوق عمارتنا صاحبه قاله يا كذاب هو فيه
فيل أحمر. قاله يعنى فى فيل بيطير

مرة واحد صعيدى حب انه يعمل زى العلماء الكبار زى
اينشتاين ونيوتن وايدسون فقال لازم يعمل تجربة زيهم فجاب ضفدعة وقطع رجلها
الأولى وقالها نطي فنطت جابها مرة تانية وقطع رجليها التانيه وقالها نطي فنطت جابها مرة تالته وقطع رجليها التالته وقالها نطي فنطت جابها
مرة رابعة وقطع رجليه الرابعة وقالها نطي فامتحركتش ...نطي مش راضية فقال ملحوظة: "عند قطع ارجل الضفدعة الأربعة فإنها
تفقد حاسة السمع

مرة واحد مسطول راح يشترى شقة
مسكونة فالبواب قالله ان هيا مسكونة ب3 عفاريت
قالله عادى
ولما طلع راح اول عفريت قال لزمايله انا هحروح اخوفة
وراحله وقاله ممكن سيجارة
صاحبنا بصله وقال اتفضل
نزل العفريت وهوا متجنن ازاى ماخافش منى
وبعدها طلعله تانى بس مقطع جلده كله وقاله ممكن سيجارة
بص ليه وقاله اتفضل
نزل برضه متغاظ وبيقول ليه مابيخافش...
اخر ماتعب راح مبوظ جسمه كله ومطلع العمود الفقرى ومطلع عينيه برا ومقطع كل حتة فى جسمه وراح للراجل وقاله ممكن سيجارة
الراجل بصله وقاله مش واخد بالك ان السجاير بتبوظ فيك كل مرة

صبى كسلان جدا شغال فى ورشة كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم

واحد صعيدى تانى بيهزر مع اخوه قطع راسه
وقال ياااااااااااااه لما يصحى مش هيلاقيها هينهبل

واحد غبي ركب العربية بالليل و لقى الدركسيون و الفرامل
مسروقين ... فراح القسم وعمل محضر سرقة ... تانى يوم الصبح راح لاغى
المحضر ليه؟؟؟؟؟؟؟؟ إكتشف انه كان راكب ورا

يارب تكونوا ضحكتوا من قلبكم وقريبا في جديد

ههههههههههههههههه

جااامد
تسلم ايدك

هههههههههههههههههههههههههههههههههههههههههه

تسلم ايدك

هههههههههههههههه
جااااااااامده جدااا
تسلم الايادى
ولا تحرمنا من جديدك