عمرو دياب رقم واحد في الفيس بوك, دايما مشرفنا في كل حتة ياهضبة

خبر علي الهضبة في جريدة وشوشة بس حاجة تشرف عن الهضبة
الموضوع : هو مش حالة ولا موضوع دى ظاهرة فرضت نفسها في كل مكان سواء إتفقنا أو أختلفنا علي الشخص فهو بردة ظاهرة 25سنة رقم واحد في فنة ستايلة ذكائة اللوك بتاعة أسمحولى أقول كلمتين مهمين قبل مااتكلم عن اللي بيحصل علي الفيس بوك بخصوص هذا الشخص بخصوص الهضبة عمرو دياب أنت فين ياهضبة ؟ من يوليو 2007 لحد شهر إبريل 2009 البومك طول عن اللزوم الفنان الوحيد اللي لما يأجل البومة شوية تلاقي الدنيا قامت وقعدت الوحيد اللي بيخلي نص شباب مصر يستنوا النيو لوك بتاعة ويقولوا ياترى هايعمل اية المرة دى ؟
اللي تذاكرحفلتة بتخلص بمجرد نزولها في منافذ البيع اللي لما بتتسرب اغنية حتى ولو نص دقيقة منها تنزل في كل مكانوتتحفظ صم اللي أعلاناتة بتتسرب قبل نزولها علي القنوات التليفزيونية كل المطربين والمطربات مايقدروش ينزلوا البوماتهم في نفس وقت نزول البومة سوق الكاسيت بيجي لحد عندة وميتضربش أحتل أكتر عدد من جروبات الفيس بوك الوحيد اللي لو فية حد مش بيحب يسمعة يحتفظ برأية لنفسة ويتكلم علية باحترام
البومك المنتظر فين بقي ياهضبة ؟ الفيس بوك ماوراهوش سيرة غير البوم عمرو دياب أمتى وصباح الأشاعات اللي بتطلع بقي من ديسمبر 2008 شوية يقولك الالبوم في ديسمبر 2008 وبعدين قالوا لأ مش هاينزل دلوقتى عشان احداث غزة وان شاء الله هاينزل أخر كلام في فبراير تحديدا يوم الفلانتينوالناس فضلت مستنية خلص فبراير وعدى الفلانتين ومفيش البوم وفجأة وبدون أى مقدمات 4 أغانى اتسربوا لاحظت حاجة بقي علي قد الناس كانت ميتنية البوم عمرو بفارغ الصبر علي قد ماتضايقوا جدا من عملية تسريب الأغانى لدرجة أن في ناس ماكنتش عايزة الأغانى دى عشان ماتحرقش الألبوموطبعا نتيجة التسريب هى تأجيل الألبوم لتالت مرة وقالوا أخر كلام بجد الألبوم ف أبريل ولو في نفسي أعرف مين دول اللي عمالين يقولوا من الصبح المهم جميع المواقع وجروبات الفيس بوكأكدوا الخبر دة حتى شركة روتانا نزلت الخبر وأكدت علية الناس فرحت بعد فقدان الأمل وبرضة فضلت مستنية مستنية مستنية لحد ما اللي بيقولوا قالوا : قرر عمرو دياب تأجيل البومة في الصيف لا تعليق ماكان م الاول طيب ! بدأت الجروبات علي الفيس بوك تتوغل وتتوغل كالأتى :
حرام عليك ياهضبة ! كفاية تأجيل في أم الألبوم الفقري دة مستنيين البومك ياعمرو اما نشوف اخرتها اية الغضب واضح علي الناس بس كالعادة بمجرد نزول الألبوم هينسوا كل الزعل دةوكأن شيئا لم يكن ! بالظبط زي مابيحصل ف حفلاتة يفضلوا واقفين علي رجلهم بالست والسبع ساعات ورجلهم توجعهم وناس يغمى عليها وناس تقعد علي الأرض وناس تنام تحت خشبة المسرح وناس تلعن اليوم اللي فكرت تيجي فية الحفلة والطريق الصحراوي يقف ولاكأننا في وسط البلد وبمجرد صعود الهضبة علي خشبة المسرح كلة ينسي والتعب يروح والزعل يمشي كأنهم واقفين بقالهم 5 دقائق والحياة تبقي اخر حلاوة ندخل بقي علي جروبات الهضبة اللي علي الفيس بوك الحقيقة مستحيل هاقدر ارصد كم الجروبات المهولة للهضبة لأنهم كتير زيادة عن اللزوم
بس كلهم بيتحدوا علي نفس الأخبار والمواضيع المطروحةواى جديد يخص عمرو دياب دة لو خبر نزل تلاقية انتشر بسرعة البرق في كل مكان ع الفيس بوك حتى لو إشاعة من الهوا
وبسم الله ماشاء الله الديابيانز اللي علي الفيس بوك أكتر من جنود حرب 73 عاملين جيش لنفسهم وبيتحدوا علي اي حد يفكر يقول نص كلمة وحشة علي الهضبة وغالبا حاجتين بيحصلوا للي بيفكر يغلط في الهضبة ياأما ينضم لجيش الديابيانز يااما ماحدش يشوف وشة ع الفيس بوك تانى !!
دا مقال كان في جريدة وشوشة النهاردة بردة عن الهضبة حاجة حتى في الفيس بوك عامل إكتساح

نايس
ميرسي عالاخبار ياتوسا

ههههه صح ياتوسا والله

عاميلن زى الرز ع الفيس بوك

وكمان انا واحد من الجنود دى ع الفيس بوك

تسلم ياحبى ع الاخبار الجامده دى

بجد نايس توبك يا احمد
مشكور يا حبى عالتوبك

» حصرياً : صورة عمرو دياب مع والده عبد الباسط دياب
» مدير اعمال عمرو دياب يرد على اشاعه عمرو للعتانقه الديانه المسيحيه
» صوت عمرو دياب
» هو دا عمرو دياب ؟؟؟؟؟
» الليلادي عمرو دياب وبس