ازاى تخلو الواد الغلبان يقع فى حبك

هاى بنات
الموضوع دا اللى مستغنى عن نفسوا يعمل النصايح اللى فيه دى بس نصيحه من بعيد انما ان كان عليا دى نصايح مافيش منها

خــدو عندكوا
انا هقولكم يا بنات ازاى تخلو الواد يقع فى حبك بدون تعب ولا مجهود

أولا : الولد بيحب البنت الرقيقة

رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . أقولك .. نكدى عليه الليلة .

ثانيا الولد بيحب البنت الرومانسية

سبلى له .
اسرحى كتير كلميه عن القمر و حاجات من دى .قوليله شايف القمر يا عتريس

لازم تكونى هيمانه و انتى بتتكلمى . و يكون صوتك واطى .. وشوشة .

رابعا : الولد بيحب البنت الاستايل style

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..

مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

دى بتغير منك و مش عايزاكى تبقى على الموضه .

ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة

ادلعى ياختى انت و هى . ما تبقوش عساكر .

سادسا : الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى

و قولى له : ارجوك اوعى تغير انا حواليا كتير .

ولا بيهمنى أبدا منهم ايه يعنى اكون حلوة فى عينهم .

ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك حورى عليه .

سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .

. يا سلام !! ايه الشياكة دى كلها . انت أشيك ولد شفته فى حياتى(مش مهم هو لابس ايه . انبهرى و خلاص ) .

يا سلام !! انت تقاطيع وشك حلوه بشكل ( حتى لو كانت ملخبطه )

و طول مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص

منك و لا يشوفش غيرك ادامه .

تاسعا عددى مواهبك :

اكلك لازم يبقى مظبوط

قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق فى شم النسيم .

عاشرا رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك

مليت على ايامى شغلت لى الزمن

قوليله انا من الساعه 11 فى السرير بحاول انام ومش عارفه انام لانى بفكر فيك

(وتكون الساعه اساسا 10:30)

مش هياخد باله من الكلام خالص

النتيجة :

لو الولد وقع فى دباديبك و قال عاوز يرتبط بيكى :

اوعى تقولى ايوه ! لااااا .. اتقلى شوية . اعملى نفسك يتفكرى ..

سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيكى و لا عبرك . و لا أخد باله منك أصلا

يبقى بنت تانيه سبقتك يا اموره او ممكن تكونى انتى تقلتى العيار شويه .

ملحوظة : كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير

مرتبط ..علشان ما يفكش منك زى الاولانى...و ربنا يوفقك .

هههههههههههههههههه

اى خدمه يا بنات

ههههههههههه
الله يخرب بيت عقلك يااحمد
انت عايز البنات تعمل حوارات عالشباب
ياابني مافيش حاجه احسن من الطبيعي نتعامل بطبيعتنا والكلام يكون طالع من القلب Wink

ههههههههههه
ربنا يولع ف شعرك يااحمد
ههههههه انت عايزنا نعمل ايه
ههههه
يابني مفيش احسن انك تسيب كل حاجة لقلبك واحساسك
هما اللي يتكلموا الحب مش محتاج حوارات الحب محتاج مشاااااعر وبس