بص يافتحي
انا بسمع ان فيه ناس ارتبطت واتجوزت عن طريق النت
بس معرفش ان كانوا نجحوا في حياتهم مع بعض بعد كده واستمروا مع بعض ولا لأ
انا شفت ناس كتير حبت عن طريق النت وفشلت
لانه زي ما الكل عارف ان معظم اللي بيدخلوا عالنت شخصيتهم ممكن تكون مختلفه عن الواقع
بمعنى ان ممكن الانسان يكون معاك بشخصيه وهو ورا الشاشه شخصيه تانيه خالص
بتعرفه بقى لما تعاشره كويس وتكلمه على طول وتمروا مع بعض بمواقف في حياتكوا
ساعتها شخصيته وانطباعه الحقيقي بيظهر في المواقف دي
بس انا عن نفسي ومن وجهة نظري عمري ما امنت بالحب عن طريق النت
اذا كان الحب بره النت والطرف التاني بيكون قدامي والحب بيفشل يبقي لما يكون عالنت ومش شايفين بعض هينجح
وفيه ناس تانيه وجهة نظرها ان الحب احساس واعظم حب حب النت لانك مش بتشوف غير صفات حبيبك وتحس بيه يعني بتعرف اخلاقه قبل ما تعرف شكله ايه
هقولك موقف ممكن يضحكك
انا اعرف شاب مش كبير في السن عنده 19 سنه بس بيقعد يشتغل اصحابه وشباب عالنت عن طريق الشات او الماسنجر ويقول انه بنت
ويقعد يعمل مقالب فيهم لدرجة انه ممكن يخللي الشاب اللي قدامه يحبه بجد ونفسه يرتبط بالبنت اللي بتكلمه
ده غير ان فيه برضه ناس بتبقي متجوزه ان كانوا بنات او شباب ومع ذلك يدخلوا ويقولوا انهم مش مرتبطين ويوقعوا الطرف التاني في حبهم
حب النت ده وهم واللي يصدقه يبقي بيوهم نفسه الا اذا كان متأكد من ان الانسان اللي قدامه صادق ويعرفه كويس